2012年12月30日 星期日

2012拜拜啦!!!!

大家好!!!! 呢兩日好凍啊... 大家有冇著多件衫啊???

我一向都唔係怕凍既人, 但呢兩日真係有啲後悔無買件厚啲既褸, 屋企啲褸大部份都係較薄身, 真係凍屎人!

今日係大除夕, 大家有冇咩特別節目??

我其實好想出街感受下大節日氣氛, 但無奈妹妹仲細, 今日又凍, 所以我都係無勇氣拖住兩隻小鬼出外倒數

希望過多年兩等佢地大個少少, 我可以重溫久違既倒數氣氛啦!


對我或好多人黎講, 年尾十二月至年頭二月都係每年好期待既日子

十二月聖誕節一向都係受歡迎節日, 一月就係小妹生日月, 二月就係農曆新年加埋我三個愛人既生日, 所以呢三個月對我黎講就好似特別唔同咁

雖然日子都係咁過, 但好似特別開心同埋好重holiday mood...wakakakkakaka


黎到2012年最後一日, 我真係好感恩過去呢一年 (應該係一直以來) 神既保守及愛戴,

人生必然會遇到挫敗或不如意既事, 但我好感恩自己所遇到既都係小事, 而且都感受到神既倍伴,  

將來既路係點無人會知, 但我好希望係我人生中無論發生咩事, 我都會記得依靠神..


依家呢個世代唔可以話好灰, 但實在越黎越多不可理喻, 變態, 道得淪亡既事發生

之前傳到鬧哄哄既1221世界末日 見到好多人既評論都會覺得, 如果真係世界末日都無所謂 (因為好多既人心態都係, 反正大家一齊死, 唔係只係我一個死)

直到過左1221大家就覺得死唔去喎, 可以馬照跑, 舞照跳!!!!

但其實世界末日未必仲係'有排'先發生既事, 因為神講過, 呢個世界係無人會知邊一日係末日, 所以世人要警醒, 做好準備.

不過好多人都寧願相信瑪雅預言都唔選擇信相聖經既預言, 實在令人好擔心

我唔係一個好叻傳福音既人, 不過我真係好希望如果大家有時間, 不妨花少少時間跟朋友去下怖道會或了解下基督教呢個宗教, 我肯定如果你願意打開心窗去接觸了解, 必定有所得益!

祝大家大除夕快樂, 新年進步!!!! 




2012年12月20日 星期四

承熹聖誕表演日2012




遲來的.............  聖誕快樂!!!!!!!!!!!!!!!!!!!!



上星期三係承熹學校既聖誕表演日

相信好多家長都十分期等呢一日

因為平時送左小朋友返學, 好少有機會見到佢地係學校既點滴, 只係靠老師偶然既提及, 當然唔夠喉啦!!

所以, 今次係第一次親眼睇到佢地參與學校群體表演, 真係十分難得及珍貴



未開始前, 學校播放小朋友們平時練舞既片段, 好可愛! 睇得出佢地都好enjoy, 好乖巧~ 但可惜搵唔到承熹, 可能前排成日病, 請左假, 所以影唔到

當我知道有聖誕表演時, 我就問承熹: XA, 你學校遲啲有表演, 你知唔知自己扮咩呀?  XA答: 唔知喎!

跟住我從另一位媽媽到得知佢個女話自己扮聖誕花後, 我又問XA: XA, 小瑜扮聖誕花, 咁你扮咩? 聖誕樹? 定聖誕老人?

XA依然一臉懵然咁答我: 唔知呀!

到左當日返到學校見到貼左張節目表出黎時先知, 原來佢地分左三組, 分別表演三首歌

小瑜表演"聖誕花" 承熹表演"大家快樂唱歌", 唔怪之得問親佢扮乜都話唔知!






佢地係第一組出黎表演既小朋友, 全部都未夠三歲, 細細粒, 可愛到不得了!

最意想不到係, 咁細個小朋友竟然可以乖乖聽老師指示企係正確位置, 唔會亂走, 唔會大叫失控, 大家好合作咁表演晒成首歌

雖然呢首歌無承熹份, 但見到佢地咁細個人仔咁乖, 我都好有感觸, 睇到眼濕濕, 拍爛手掌!





小朋友們真係好可愛





到承熹出場啦!!!!!!!!!  好好彩我個媽媽朋友留左個靚位俾我, 我先可以咁緊距離睇住承熹表演




承熹好攪笑, 佢跟足動作, 但無笑容, 哈哈!















 


唱到最後完結時, 承熹突然踎低, 我同大少都奇怪佢做乜咁快走人? 

但原來承熹係負責踎低攞個鈴鈴敲一下作結尾, 我同大少都好surprise佢竟然擔上如此"重任", 哈哈....

事後睇返段片, 臨尾快結束音樂時承熹係自己o係無老師提示下攞起鈴鈴上黎'叮'一下, 我地真係好驚訝佢竟然知道自己有重任, 而且能夠順利完成, 爸爸媽媽好為你感恩自豪呢!



最後另一組N班既小朋友都好可愛, 好叻叻





P.S.   希望其他家長們唔好介意以上照片及影片有影到  貴子女, 本人只作紀念, 沒有惡意! ^_^ 


 

中山紀念公園

上星期六趁天氣好, 有陽光, 即刻帶兩隻小鬼去出外呼吸下新鮮空氣

自從上年有朋友邀請過我地去中山紀念公園到玩後, 我地就好鐘意呢個地方

佢除左有一般公園有既兒童遊樂場, 旁邊仲有一片大大地既綠草

係香港呢個石屎森林, 莫講話大大片綠草, 想搵個企理啲既公園都唔係到到有, 呢個公園真係值得推介!!!! (近西隧旁)

所以我同朋友們都好愛呢到, 雖然同小朋友去戶外玩等同任由雀斑侵蝕我塊面, 但為左令佢地可以好開心咁玩一個下晝, 乜都抵!! 


妹妹上星期病左, 鼻塞流鼻水, 啲鼻水成日黏住塊面, 攪生晒一撻撻, 勁醜怪!! 好彩依家變返靚



妹妹啲頭髮仲係稀疏得可憐, 點著都似男仔 >_<



見到佢地玩到攬頭攬頸就好開心



啱啱訓醒, 個樣傻下傻下, 但一見到片綠草地, 即時開心晒~






好簡單一枝吹泡水, 佢地就可以好enjoy~


好鐘意見到佢地著兄妹衫, 呢兩件係Kidinc 今季最新冬裝, 好型呢! 




兩個大肚Dum BB, 哈哈!
















妹妹依家十個月大, 企得幾穩陣, 爬得又超快, 我感覺上佢係會百厭過哥哥











哥哥好衰, 係咁向住妹妹個頭吹泡泡!


****************************************************************************************************************************


提外話.... Kidinc 仲新出左兩件Hoodie, 一件黑, 一件灰

耐裡係Fleece裡, 好暖身, 外型好挺身好靚, 個個朋友見到都讚型仔, 冬天必備~





呢件都係另一件新貨, 原本買左四件(佢地每人兩件)用黎影家庭照用, 但可惜個次去完Face睇相, 效果強差人意, 依家要押後到出年先會再影!


依家Kidinc做緊Buy 2 get 1 free優惠, 如果仲未諗到送咩俾小朋友做聖誕禮物, 佢地啲衫係唔錯既選擇 (因為除左有靚靚包裝外, 仲有免費送貨服務)

http://www.kidincstore.com/



Colors
G/F 137 Queens's Road East
Wanchai Hong Kong
Tel: +852 2866 6138


有興趣不妨去睇睇!


2012年12月11日 星期二

HK Disneyland Resort for the Christmas Bloggers Luncheon + Park visit




上星期六有幸被邀請到迪士尼Hollywood Hotel - 米奇廚師餐廳享用lunch buffet, 之後再入迪士尼樂園感愛濃濃既聖誕氣氛, 真係好開心啊!!!!

我本身未去過酒店個邊, 今次係第一次去享用佢地既lunch beffet, 老實講, 比想像中既好, 而且價錢都十分相宜, 以後諗唔到去邊都可以揸架車黎食下飯, 小朋友實好開心~





呢到啲食物種類當然唔能夠同收四五百一位既酒店比較, 但以大約2XX既價錢, 有咁既質素同埋環境, 真係十分超值!






雖然已為人母, 但見到咁多迪士尼卡通人物圍繞住自己, 不禁都開心興奮埋一份, 暫且忘記現實生活既壓力~  


對承熹黎講, 有美味既食物已經令佢好開心,再加埋啲餐俱, 環境全部都係佢喜愛既卡通人物, 即時變左OK boy, 乜都好合作! 

係用餐既中段, 突然聽到一陣起哄聲, 原來---------------- 米奇出現了!!!!!

一直都好想同米奇米妮影相, 但每次見到長長既人龍就不禁卻步, 都係算吧啦~  

今次竟然可以唔洗排長龍就可以見到米奇, 正正!

但最令我安慰既係, 承熹終於克服左唔怕大隻公仔啦...

其實前前後後同承熹黎迪士尼都有最少三四次, 但佢每次見到一啲唔係人樣既物件, 都會顯得十分驚恐, 會喊, 會走

我成日都好想佢可以同啲卡通人物影張相留念, 但次次都失敗!

今日, 終於成功了!! 哈哈哈
 


 


其實承熹起初有少少怕, 但依家大個仔都會聽得明我講野, 我同佢講米奇好好人架, 好錫小朋友, 佢都好鐘意食朱古力等等等...

跟住承熹就放下戒心, 願意同米奇接觸


個傻豬幾開心~


大家食飽後, 大會安排我地坐shuttle返樂園玩

其實迪士尼開幕以來, 起初真係覺得比起其他國家係有啲細, 不過近呢幾年佢地不斷擴建新既遊樂設施同娛樂體驗, 上年十一月已經開幕既反斗奇兵大本營更係亞洲獨有, 亦都係我最鐘意既

反之第二個主題園區- 灰熊山谷我就未有機會真認真睇過, 因為佢既位置係樂園較入面, 向後行. 所以每次玩到去個到已經天黑 

不過, 我知道灰熊谷既過山車係樂園內最複雜刺激既機動遊戲, 怪唔得之前經過只係不停聽到尖叫聲, 哈!




承熹行到成個大人咁!


上兩個星期都落雨, 今個星期開始放晴, 個天好藍

 

佢自己要求扮Donald托腮, 哈哈



仲有扮Daisy...笑死我


 
 
 





 



可惜既係大少個日要返工, 下午先可以join我地, 我一個人又帶唔到兩個出街, 所以妹妹今次又absent >_<, 等妹妹再大少少, 一定要帶佢黎玩





承熹& 芝士餅 (可愛既芝士餅依家見到我叫我做"奶奶", 哈哈哈)







 

 
 

回想返, 我好似每年聖誕都會入黎迪士尼, 呢棵聖誕樹特別有親切感



上年承熹又係好怕呢啲小精靈, 今年自己主動話要同佢影相

 


 




好開心, 當日樂園排隊影相既人龍比預期少, 承熹可以同佢好鐘意既巴斯光年合照

 

 
影完真既, 佢仲request要過去同個假既影! 你睇佢個樣, 好似周星馳啲黑人憎樣.. 哈哈哈



 

其實對上兩星期, 大約十一月中, 我同承熹兩個已經入過迪士尼玩左一次

個次係我第一次同承熹單獨入樂園, 仲排隊玩左好幾個機動遊戲 (Winnie the Pooh, 小飛象, 旋轉木馬, 米奇3D影院)

玩到尾段承熹已經筋疲力竭, 又想玩,又眼訓, 所以佢都miss左Toy Story Land

今次佢見到咁大隻Woody, 超興奮











 
 

承熹仲request我要玩彈弓狗, 難得佢唔驚, 我唯有捨命陪君子, 排左大約30mins


 

 



呢個彈弓狗對承熹呢個年紀黎講都幾快幾刺激, 我初時仲怕佢會喊, 但結果係佢十分enjoy, 玩完仲話想玩多次!  
 
 













原來仲有一個迷離莊園擴建中, 預計2013年上半年落成, 到時樂園總面積將會增加百分之二十三, 又多左野玩, 又大左, 真係要訂一晚酒店係到訓, 分兩日玩無咁趕

 

 飄雪啊~~~

































真係好鐘意呢條大街, 每次行過都唔捨得走


大約七點幾承熹都攰到訓著左, 我地等唔切煙花就離開

最後再一次多謝迪士尼樂園及相關人仕既邀請, 等我地一家人可以提早感受到一個充滿歡樂既聖誕節





米奇廚師餐廳 Chef Mickey







  時段:午餐









供應時間:12:00-14:30
價錢:星期一至六:成人$208 / 小童$118
星期日及公衆假期:成人$258 / 小童$138