幸福小女人- Diana: 11月 2012

2012年11月14日星期三

Sens Studio

之前講過俾大家知我地去左Sens Studio (太古店) 到影家庭照

原先我係o係團購買$268 個package 包12張相, 連相架, 相簿

但影過呢啲家庭照都知道, 好少人真係可以用package價落樓, 至少我知自己唔得, heeee

今日終於有相睇, 我特地叫埋daddy倍我去揀相, 因為我怕自己又忍唔到手買太多

我地total影左13x 張相, 有左承熹既經驗, 今次揀相方面, 我好狠心咁篩走唔太突出既相, 同埋同一個pose但唔同笑容既我都只會揀一張

最後, 我都係揀多左20張, 額外俾左$1600

佢地offer原價額外$100/張, 買滿20張就八折, 全部要晒就$3680

anyway, 今次係同妹妹第一次影, 咁耐以來都無乜影過一張正正經經既"全家幅", 所以我覺得1600蚊都acceptable啦!

好鐘意Kidinc既衫, 著到兩個好得意, 我地一家人有共同logo但又唔會太死實實一式一樣, 大力推介!!!!

我知道佢地剛出左冬天新裝, 黎緊月尾我地又會去影(今次去Sogo Face, heeee), 我都會入定貨!

我今次特別要求要淨色Background, 因為想淨係影自然feel

位於太古華蘭中心既Sens面積唔算十分大, 乾淨程度可以接受, 我選擇佢既唯一好處係近屋企, 我覺得團購玩下都值得去試

就算影得唔太十分好, 都總有值得揀選既相, 就當搵個專人用靚機幫自己影下全家幅吧!

Best Big Bro & Best Baby Sis (by Old Navy)

要兩隻小鬼坐定定一齊影係最難, 因為我一放低妹妹佢就喊, 承熹又成日過份活躍周圍走

相比之下, 承熹比起妹妹當然投入好多啦, 佢當日唔知做咩心情大好, 好多時都肯跟住攝影師既指令, 所以係32張相入面, 承熹佔既比例都比妹妹較多

出年二月既時候係佢三個(加埋大少)既生日月, 到時我都會再book影樓影相, 希望妹妹到時識行識玩, 會影得好啲啦!

2012年11月12日星期一

兒童如廁好幫手

最近係淘寶淘左一樣我好鐘意既野想同大家分享!

哈... 其實係一塊廁所板!!!!!!

呢塊廁所板叫做"子母板", 故名思意即係大人用得, 小朋友都用得

我第一次見呢塊子母板係o係我教會, 初時覺得好正呀, 有左呢個廁板, 唔洗下下都加個兒童廁板俾承熹疴poo, 直接坐上去, 超級方便

事後適逢屋企個廁板壞壞地, 我先的起心肝上淘寶搵搵有冇

見到價錢合理(RMB90@), 度埋Size即買兩個, 廳廁一個, 房廁一個, 唔洗煩!

我買個間有分幾個size, 只要度啱闊同長, 我諗應該無問題 (除非你個廁板係方型), 而且裝嵌十分簡單方便, 唔洗幾個字攪掂!

初初都怕呢啲子母廁板可能唔好坐, 有啲廁板會坐到個人腳痺, 唔知大家有冇試過?! 但我地一家試過都覺得無問題, 好舒服!

小朋友既廁板細好多, 唔驚佢地會跌落去

承熹都親身試過, 佢話好舒服, 唔會跌, 好似爸爸媽媽咁坐依到, 唔洗用Anpanman! 哈~

自此, 承熹依家去poo poo都唔洗再加廁板, 方便好多...

如果一早知有咁既野, 我都唔會嘥錢買個麵包超人學習廁所, 雖然好靚, 但相比呢款廁板就變得多餘左, 用完又要搵位放, 每次用前用後都要洗一洗

不過第一次做阿媽多數都會忍受唔到誘惑, 因為出面有太多可愛既產品, 真係令人愛不惜手!!!

另外順便介紹埋呢個尿兜

偶然一次俾我係網上見到人地賣緊HK$98個, 我呢啲cheap cheap 師奶當然即時又上淘寶search search 先!!

RMB35@, 我又係鐘意佢夠方便, 唔洗下下揸住尿兜兜佢疴V V, 較啱個高度, 一除褲就自己企埋去pat pat向前推, 就唔會疴到周圍係 (當然呢個動作都要教佢地先識)

疴完可以成個抆出黎倒左V V去, 用水沖一沖即可!

承熹今年四五月時就係靠佢成功戒片, 唔洗幾日就戒到, 出街都唔洗著... 依家疴完仲識自己著褲添! 值得推介俾男寶寶

http://item.taobao.com/item.htm?id=15309836726 <---- 廁板link

http://item.taobao.com/item.htm?spm=a230r.1.10.18.0mhYT8&id=14055068278&_u=dbv6he71e58 <--- 掛牆尿兜 (我幫襯個間已下架, 我搵左第二間俾大家參考)

溫馨提示: 淘過既朋友都應該知道, 有時候淘寶都係講彩數, 同一間貨都可能有出入, 所以我只係一心同大家分享, 如果有咩問題, 唔好走黎鬧我啊!!!

2012年11月11日星期日

我的近況

咳咳咳… 咳到頭都痛

上星期開始變左我同大少病後，大家既情況每況愈下，我由鼻塞慢慢演變成喉嚨痛，跟手仲啞埋…

咁大個女第一次失聲，初初都出到少少聲，覺得幾攪笑，原來一個人失起聲上黎係真係點大聲用力講都無聲! 當時我仲心諗，講少幾句當休息下, 有咩都叫大少做啦! (例如叫仔換衫、食飯、唔好咁咁咁等勞氣事務)

但當呢個情況持續兩日，第二日我已經覺得好慘，原來無左把聲係好唔方便，有人打俾我，我完全講唔到，表達唔到! 最慘係打電話叫外賣都唔得，要whatsapp 老豆幫我叫，嗚!!!!!

依家啲菌好勁，估唔到只係承熹一個人病，都會打敗埋我地兩個大人! 希望經過今次大家既抵抗力都會增強左，唔好再咁易病啦!

大家都要保重啊!

2012年11月8日星期四

大閘蟹

一到秋涼又係食大閘蟹季節

我本身對蟹類一般, 唔係因為我唔鐘意食, 只係我唔識食'蟹'

每次食完個口總會有少少損傷, 久而久之我就變左好少買黎食

不過其實我係好愛食蟹蓋同啲膏的

承熹之前病左兩星期, 大家都無心情去食蟹

直至等佢好返少少之後就即時買黎食

我地四個人買左十隻, 依家有Miele蒸爐, 就算一大班人黎食, 一次蒸十幾隻都絶無問題

只需要預熱100度爐溫蒸15-20mins(視乎蟹既大小, 我地呢隻係四兩, 蒸15mins即可)

每次同隻蟹解體都需要大約半小時, 所以我地先蒸五隻, 食到中途先再蒸另外個五隻, 咁就唔怕凍晒~

,

我鐘意食公多過乸, 因為公有好多呢啲白色既膏, 食落口時會黏住個口同喉嚨, 感覺係食其他蟹感受唔到架...

加上啲膏好香, 真係明知高脂高膽回醇都唔理咁多, 食左先算!

今年食大閘蟹可以同其他餸一齊趁熱啦, 就係因為用Miele 蒸爐, 咁就可以一次過蒸晒三樣餸啦~

大閘蟹, 魚同腐皮蒸魷魚都係一次過唔同時段放入去蒸, 最後一齊出爐, 幾方便! 哈~

Google Chrome

咦，原來唔係因為note 2嘅關係所以寫到Blog，而係因為我用左chrome黎browse Y!blog,所以就可以！（我依家用iPhone 4S寫）

不過頭先試同一動作，插相，大家都係唔可以係相機upload 相，但iPhone 連插相薄內既相都有啲問題，成個版面亂晒籠咁。

所以，都係Note 2 略勝一籌！

仲有就係唔洗講都知，iPhone 個mon實在太細了, 打字打到手抽筋！

順便推介一下google chrome都幾好用，佢瀏覽速度快過IE, 手機版既設置細心好多，如睇一啲有pull down menu 或有頁數揀既網頁，佢會彈出你按個area既放大版，等你更準確口選擇，明唔明我意思？

報告完畢！ by iPhone 4S

用到Note 2 寫blog啦!

竟然，竟然俾我發現原來用note 2真係可以寫卜!!

實在係一大驚人發現！(可能有人一早知，只係我傻仔)

不過我要're-confirm 睇下係咪因為咁，所以可以!

等我聽日同茄媽研究研究先，再同大家分享~

通屋爬

好似識一齊玩咁

哈，好攪笑

哇！仲可以插相添呀… 不過啲相要預先係電腦upload 上卜先。

如果可以即時upload 埋電話啲相就仲perfect 喔!

以上啲相係之前十月影的, 妹妹係八個幾月大就開始識爬，依家成日通屋走，佢同哥哥一樣好大力，我諗好快妹妹都會識行啦，真係好期待兩拖住兩隻小寶貝一齊行街既畫面，哈!

2012年11月7日星期三

一屋病人

好耐無見, 大家好嗎?

我地就唔太好啦, 一家人病晒 (除姐姐外, 好彩!)

首先係承熹, 佢應該係上次扁桃腺發炎後有少少傷風未清引致...

返唔夠一星期學又鼻塞, 完全訓唔到

睇完醫生食左三日藥無好不特止, 仲咳埋, 勁多痰~

跟住再睇醫生就話有濃痰要食抗生素先得! sigh~

由10月13日到依家, 一個月唔夠前前後後食左24日藥.....

承熹由好怕食藥變得easy job, 食得快, 無扭擰了!

真係陰功.................................... 瘦左係必然, 仲要面青青, 都唔知幾時先補得返~

不過最肉赤都唔係佢, 而係妹妹

妹妹頂左成大半個月, 最後都頂唔到, 一齊病!

病徵同哥哥一模一樣, 又係鼻塞訓唔到, 繼而咳, 勁多痰

仲要啲鼻涕黃黃綠綠, 杰撻撻.... 唔係鼻水咁間單

啦啦聲一早同佢去睇醫生, 我自己都睇埋 (喉嚨痛)

依家屋企啲藥多過糖.... 記住自己, 承熹同埋阿妹啲食藥時間都記到亂晒龍!