2012年5月31日 星期四

High Tea @ Sevva



 
尋日同大少奶去太子大廈25樓Sevva食佢地既 tea set

未生妹妹之前已經想去呢到試試, 一直未有機會, 難得大家都得閒, gogogo...



呢到high tea時段無得訂枱, 兩點半開始入座, 有室內SOFA位及露天座位, 其實坐出面都好舒服, 不過我怕熱, 又怕無啦啦落雨, 所以都係坐入面穩陣啲



$520 for 2



我地早左少少去攞位, 同承熹玩下自拍


傻豬仔


好鐘意自然光, 影乜都特別靚~



小朋友始終都係無時停, 鐘意乜都攪下, 不過承熹都算乖, 至少我認真話佢時, 佢都會聽話

其中一位waitress周黎話承熹好乖, 唔會大叫大嗌, 事關佢地前一日招呼左一枱有小朋友既客人, 佢話個小朋友全程不停大叫, 好騷擾!

我都好感恩, 承熹由細到大跟我出去食飯或去玩, 佢都唔會大吵大鬧, 有得食佢就坐定定, 有得玩都玩得好斯文, 

就算跟我返教會聚會或崇拜, 佢都會好合作!  多謝你呀, 承熹~


Tea Set一到, 承熹開心到彈起!!!!!


佢真係好為食, 同媽媽一樣, 哈!!!


學大少奶話齋, 呢個歲數既小朋友係最好玩, 有童真, 但又有少少主見, 明白大人講野, 但又有少少唔明, 鐘意摸仿大人, 有時令到你好激氣, 但同時你又會覺得佢因為天真先會做錯, 跟住又嬲唔落, 真係嬲你又唔知, 話你又唔好意思



叫佢坐過黎我呢邊, 係都唔肯, 可能佢覺得自己大個仔, 要自己坐!



係我地影緊食物既時候, 衰豬好快手咁攞左條蛋卷黎食, 哈! 三條俾佢食晒咁滯, 我同大少奶每人食1/3條咋, 好好食~

 

迷你蟹餅burger, 最正!



左: Sevva雜菜春卷 -- 好好食! 右: 煙三文魚忌廉芝士鬆餅 -- 又係好好食!



迷你rib burger -- tasty!



Ms B's 火雞沙律三文治 -- 唔錯



左: 包到好似粒糖個條係雞卷三文治 -- OK   右: 黑松露炒蛋配多士 -- 松露真係好香好香



野菌配cracker -- 承熹最愛上面啲菇菇



焦糖Crunch Cake, 個蛋糕超鬆軟



菠蘿蘿蔔蛋糕 -- 我覺得一般





左 : Mont Blanc - Good  中: 朱古力蛋糕 - OK 右: 朱古力士多啤梨 - 我無食到, 俾晒承熹食, 但大少奶話好甜!



承熹食得最開心, 開心到成日手舞足蹈, 引到隔離枱啲客人都笑佢!


 




What a nice day!!!!

 


撞啱隔離枱有人生日, 佢地order左Sevva 既Signature cake - Princess, 連個名都好聽過人, 承熹見到又係好興奮



臨走時帶承熹出去露台望下, 個傻豬見到啲車呀, 人呀, 船呀全部都變細, 佢話: 嘩... 好多車啊!

 


大個仔啦, 識得留意周圍事物




呢張影到我好肥, 但我好鐘意承熹笑得咁開心!




呢到仲有好多好靚既Cake埋, 大家有興趣可以試下!

2012年5月30日 星期三

O3 by Oyster @ Cityplaza

某一個星期六, 我地一家三口 (因為妹妹太細個, 所以有時出街都唔會帶佢去) 去左太古城UA戲院內有一間餐廳到食lunch




O3 by Oyster -- 之前係openrice見啲評語都唔差, 但一直無機會試

撞啱個日行過見lunch time都唔係太多人, 就入去試下啦!




環境其實無乜特別, 間餐廳係UA戲院小食部隔離, 無遮無掩, 但勝在夠寬敞, 又有充足陽光射入, 感覺都唔太差



驚喜位  :  佢地有All Day Breakfast, 係大少既至愛!!!!!!!!!

我一見到有都唔洗問, 可以100%肯定佢實叫呢款, 配料自由配搭, 大少揀左四款 (焗豆同蒜蓉包係本身已包), 大約$6X 包餐飲, 另加$20有龍蝦湯長通粉 (叫左俾承熹食)

呢個價錢唔貴, 仲要係好好食! 剩係講個漢堡扒, 腸同埋炒磨菇, 已經好滿意!



加$20有一碗都幾大碗既龍蝦湯長通粉, 啱晒俾承熹食, 味道唔錯, 佢食晒~




我叫左個海鮮沙律, 大約$108 (唔太記得), 有洋蔥湯配沙律多士!  洋蔥湯又係唔錯~

大少好好笑, 佢以為我叫$108個海洋沙律就係得上面咁少, 佢仲問我夠唔夠飽架?

 



一黎到我已經好開心, 因為全部都係我最愛既沙律菜, 仲有兩隻大蜆, 墨魚仔超正!!!!!


 


最後當然唔少得香濃咖啡做ending 啦~~~~

有機會要再去試下其他扒餐或義粉, 相信應該都會幾唔錯!!!! 依家一至五晚餐及六日全日用某啲信用咭仲有九折~


食完去豐澤倍爸爸買新玩具!

 



 承熹VS古天



承熹提早送俾爸爸的父親節禮物

2012年5月28日 星期一

妹妹特別造型照


大約三月中時係FB見到Vitapixel諴徵初生嬰兒做Model影相, 我本身對呢間影樓都有啲興趣, 所以諗住試下Send妹妹張相去試下, 如果揀中, 順便當去視察環境
睇下影得好唔好

幸運地, 妹妹被揀中左去影相, 當時佢只有一個多月, 我仲諗咁細又唔識笑, 無乜反應, 有乜好影?

但原來佢地就係要初生BB訓覺個樣, 任你舞!

 
當日既花絮


等左差不多兩個月, 五月頭收到佢地寄俾我既Soft  copy, 睇返啲相都幾得意, 呢啲題材既相我未必識去影樓要求咁影, 不過影左出黎既效果又幾特別




妹妹初初真係仲訓緊, 好可愛!




妹妹呢張好靚呀, 好似好有少女feel, 哈!




另一個主題, 小綿羊!




再另一個主題: 太空人




哈哈, 好似男仔

其實雖然張張都見唔到樣, 但當做一個回憶都幾特別!  不過我到依家都仲未同妹妹出去影樓影, 想等佢真係多啲反應先, 大家有冇好既影樓介紹?

 

 

 

2012年5月24日 星期四

淘 - 派對分享


其實今次攪呢個百日宴, 因為多左好多朋友有小朋友, 所以我比較著重攪多少少玩意俾小朋友玩, 可以等啲家長同佢地影下相, 唔洗悶親啲細路


而我選擇無做大backdrop一來想慳錢, 二來都覺得真係好浪費, 咁大個backdrop用完一晚又攞唔走, 最後都會變成垃圾, 所以轉整一啲簡單既怖置


初期經芝士餅媽媽介紹, 自己又上網search左一啲資料, 發現市面上都有幾間公司提供派對用品或場地怖置


基本上來來去去都係咁上下, 只係款式同埋價錢既分別


- 柏迪派對
  專營場地怖置, 汽球, 回禮禮物等等


- Party之家
  專營租借大型玩具, 汽球等..


-Mr. Ballon
 專售各種主題氫汽球 (最多款)

 
我今次就係Party之家租左個波波池連滑梯, $380租一星期, 但要自取自還, 我覺得價錢都合理 (雖然我老豆話可能去淘寶買個新既都咁上下價錢, 但我覺得呢啲唔係成日用, 屋企又無位放, 都係租算吧啦)

原本搵柏迪派對整banner同汽球怖置, 但我嫌佢地既services怖置又要加錢, 送貨又要加錢, 但佢原本個plan已經過千蚊, 再加加埋埋就好似唔化算, 而且又唔係真係太啱我心水

所以我靈機一觸就去淘寶搵搵有冇類似既汽球怖置, 諗住自己攪! 點知一係唔search, 一search先知原來淘寶真係乜都有, 而且款式都唔輸蝕, 橫掂都係諗住自己怖置, 係淘寶訂仲方便, 啲貨直接送到我屋企, 唔洗我搵人去九龍攞!

我最後搵左呢間

比翼鳥浪漫屋



呢間氣球怖置小至自己屋企開party, 大至婚宴都有, 我就訂左呢套百日宴+ Banner (好多款式), RMB108
發貨快, 有詳細說明連圖附上, 唔錯!

另外我都訂左啲紙袋, 書仔, playcard, 安全門卡做回禮禮物俾小朋友, quality都唔錯架! 有興趣就入去睇睇啦~

不過先講明, 佢地既產品我無樣樣都試過, 我都相信一分錢一分貨既道理, 所以除我介紹俾大家以外既產品, 我唔肯定所有品質一樣OK架, 你地自己要細心睇下評語先呀!






雞毛小鋪  (約RMB1.9/個)


雖然以上價錢係平, 但都係我既小小心意, 希望我啲朋友都唔會嫌棄啦!