大日子

~預先寫定~

不知不覺就到左呢一日...

2009年9月29日

終於踏入我人生另一階段... 

自小一直都好想結婚生仔, 有自己一個家, 做一個賢良淑德既好老婆, 有(幾)個好可愛既小BABY, 好錫自己既老公...

今日, 終於實現啦... 哈!!!!!

除左感恩, 感謝主一直看顧外帶領外...

當然最要多謝既係我父母, 我老公, 仲有一班好朋友

今次個婚禮係以簡單為主, 簡單到有好多朋友連帖我都未有時間派, 大少既禮服都係前日先去租, 人地以一年時間籌備既野, 我地用幾日去就做晒. (當然要多謝好多朋友協助, 我先可以煩少好多野)

雖然簡簡單單, 但正合我地心意.. 同至親至熟既朋友分享我地既喜悅!

其他一切都唔重要, 最希望係我地一家人能夠永遠都齊齊整整, 平平安安, 快快樂樂!

當然, 我地呢個婚禮都有好多唔完善既地方, 因為實在有好多好朋友都無邀請、 又要賓客們特登請假出席、 有好多都未有帖, 只係口頭通知, 攪到大家"濛查查", 係到真係要向大家講句"唔好意思",  希望大家唔好介意我地一向既"走佬"性格.. 多多包涵!!

重有重有,, 最要感激同多謝既係艾美小姐, 佢無條件為我做既回禮禮物, 真係令我同大少都十分感動.. 唔捨得俾人啊!!!!  (一萬句多謝都唔夠表達我地既謝意!!)  相後補

 

總之, 每位親戚, 朋友, 中東既老死... 多謝晒你地!

忙

第十八週    

最近過得好忙, 好充實.... 當然亦都好攰啦!

結婚事宜算係攪掂得七七八八, 之後又要忙搬新屋..

最近就不斷好趕咁睇傢私, 買傢私, 睇電器, 周圍格價等

好好好好好好好好彩.... 又係有daddy一直不辭勞苦咁倍我頻頻撲撲, 錫晒佢~

希望係新婚個日就ready好可以入去住!!!

依家胃口好好, 原本由有bb到四個月時體重都無變過, 但呢兩個禮拜食多左野體重即刻上升, 重左1.5kg..  一直以來都好怕自己重得好快, 因為重有幾個月會肥, 如果開頭肥太多就麻煩,, 一來怕難收身, 二來怕小魔怪太肥會好難順產啊!

我當然唔會刻意節食, 但盡量每餐都唔好食太多, 飽就夠!  少食多餐~

 

偉大的公公

BB, 你知唔知你有個好錫你既公公啊....

我好愛我daddy,

佢係一個不折不扣既廿四考老豆

雖然表面上我同佢會成日都頂咀, 你窒下我, 我窒下你

但其實身邊每個人都會知道我地兩個係好錫對方, 形影不離

未有小魔怪之前, daddy 不嬲都係咁錫我,

有左小魔怪之後, 佢當然更加緊張, 更加就我...

daddy每日都會預備定早餐先會出門口, 有時會等我起身煮完俾我食先走,

平時如果得我自己一個, 我只會食芝士多士(因為懶得開火炒蛋),

但daddy會為我做芝士炒蛋三文治, 而且仲要將方包一開四, 佢話細細件, 易入口d喎!

呢d野除左大少會咁細心為我做之外, 呢個世界上應該只有daddy係第二個

係呢段期間, daddy就好似我老公咁, 幫我做晒所有家務, 煮飯洗碗洗衫

每次佢出門前都會幫我補給鮮奶, 生果, 麵包等...

最煩又最窩心既係, 佢會好似三姑六婆咁出去問人好多關於大肚疑團, 或者上網睇好多資料, 然後又走黎同我講一大餐?!

有時候, 我都會好懷疑自己將來會唔會有咁好心機照顧自己d仔女?

有咁既daddy, 我真係好幸福.........

我可愛既小魔怪, 公公係媽咪最錫最錫既人, 你將來就算唔聽daddy 媽咪話都要聽公公話, 要錫公公, 保護公公啊, 知道嗎?