2008年5月30日 星期五

日本吉列專門店餐廳


上星期突登帶daddy落銅鑼灣食lunch, 時間剛好兩點九, 好驚佢地閉門, 所以急急腳咁行去 ---  和幸! <--- 有人話呢間唔係叫和幸,, 我上網搵世貿就寫係日本吉列專門店餐廳... 我都唔知佢真名係咩?



果然,, 全場得返三枱, 而我地仲係最後一枱人入黎order,, 可能因為咁, d Service有d唔太好,, 佢地可能趕住休息!!



Daddy好醒咁自己識得係到磨爛d 芝麻,, 然後加汁.. 我問佢 : 你又知咁做既?? 佢話 : 有一碌野係到, 有d芝麻, 唔係要磨碎佢地, 係做乜啊??? 


噢, 我突然覺得佢好醒!! 我以前第一次黎食, 如果唔係個侍應解釋點整點整, 我都無諗過要點做呢..heee  (我低估左我老豆既智商添!)



叫左個二人餐,, 好多野食... 小食有炸軟殼蟹



我最鐘意食係炸蠔同埋豬柳... 好好味呀!  另外仲有中間個堆沙律菜,, 好新鮮美味!



但daddy話無乜特別,, 唔明點解要咁貴?!



最後竟然食唔晒... 人永遠都係眼濶肚窄, 唉!



埋單大約$480,, 其實我覺得唔算貴, 咁多野食(飯&沙律任refill).. 質素又咁好, 其實偶然食都唔過份!


2008年5月28日 星期三

I laughing it!

今日相約朋友去Cova high tea, 第一次去Cova用餐, 原來佢地既Tea Buffet係六日先提供, 今日得Tea Set, 朋友話無咁抵食喎!



呢間位於銅鑼灣世貿既Cova, 環境一般, 地方淺窄, 唔建議一班朋友去吹水, 我怕太嘈呢!!!!!



全間餐廳好似得六七張枱,, 雖然今日係平日,, 但都坐滿人, 好迫夾啊!



前 : 朋友既Mocha      後: 我既Cappuccino



Tea Set for 2 person , 盛惠HK$198 + 10%.



八件甜點, 八件咸點, 甜點每件唔同, 同朋友食要玩猜晴尋睇下邊個揀先,,heeee




咸點係重覆兩份!!



說實在, 食物一d都唔好食! 唔知係呢間既問題定係呢個tea set既問題?? HK$198, 我寧願去食茶餐廳呢! Harlan's 好味好多~


食飽後,, 行一陣, 又趕下一場 ----- Dinner with Best Friend & 睇林狗大合唱!!!!!


估唔到之前好恨睇既林狗Talk Show係我唔知佢又再開場既情況下, best friend Cherry竟然有飛,, yeah yeah yeah !!!!


食完飯行去紅館時, 遠處見到一個似熟非熟既影子,, 再望真d~ 噢,, 真係你啊!!! 我親愛既烏G呢,,, 原來佢都係去睇林狗啊,,, 好橋,, 咁都俾我撞到! 哈~



我鐘意佢個舞台設計,, 中間個銀幕係高清銀幕,,, 好正!!!!!!!



係無乜特別高期望下睇,, 結果係勁好笑!!!!!!!!!!!!   唔怪得之長開長爆,, 真係好好睇, 係我左手邊仲坐左一班商台人,, 見到森美, 鄒凱光, 盧覓雪, 吳日言等... 原來森美真人幾大隻!!


雖然今次因為'猛'車邊Cherry's bf 唔得閒我先有得去,, 但我都要多謝佢!  希望下次林狗再開Show, 我係可以同大少或者daddy一齊睇!!


p.s. "I laughing it"係今次林狗既精句! 大家有機會睇就知咩一回事~


2008年5月26日 星期一

子曦生日會

尋日有幸被YY Cake邀請往子曦(佢仔仔)個生日會.... 個會所超靚啊, 簡直大開眼界~




一入去個會所好似去左酒店咁,,, 靚樓真係靚樓, 質素都高級幾倍!







你睇子曦個日幾鬼開心!! 三歲人仔真係好可愛~



養大一個小朋友真係唔簡單, 除左真係要俾錢養大佢外, 仲有無價既愛心及耐性, 由小到大每日都要全心全力去照顧佢地, 就算大個左, 父母永遠視自己既子女係小朋友.... 父母真係好大偉大!!!!! 


從佢地由子曦bb時一直不斷同佢影相作留念, 都已經表露晒YY Cake同佢先生放左幾多心機係子曦到!!



YY Cake仲做左愛心生日蛋糕俾子曦 --- 有火車o個個!! 好好味~



子曦可能仲未好知自己係主角, 生日係乜呢?? 當各人同佢唱生日歌時, 佢會周圍望, 然後好怕醜咁笑,, 哈哈.. 好可愛!!



個個都好似見到明星咁, 係咁同子曦影相!



子曦仍然心不在焉,, 手攞住舅父送既火車點都唔肯放低啊!!



子曦... 你爸爸媽媽真係好錫你,, 你要乖乖聽話, 身體健康, 最緊要孝順父母啊!


2008年5月21日 星期三

庵春

今日又同daddy, 姑姐 & 表妹去食下午茶.... 地點選擇平時超多人既"峰壽司"


落左兩日雨, 今日天氣涼涼地, 但又好好天.... 人都精神d!



無左三越既銅鑼灣, 好似光猛左好多!!


一口氣食左好多野... 飽到夜晚都唔洗食~















埋單時, Daddy係銀包攞card出黎簽, 俾我發現佢銀包入面有張以前好興既即影即有相咭, 我即時不滿大叫 : 哦................. 你同你女朋友去影貼紙相!!!!!!!! 哼~


然後搶左黎睇... 一望


噢,, 原來張咭係我七年前同佢係灣仔某貼紙相店影架!!!!   估唔到Daddy一直放係銀包到... 我仲要大聲夾惡話佢同第二個人影添~~


我即時變左隻"庵春"咁嗲我老豆 : 算你啦, 原來係我同你影架!! heeeeeee (真係好尷尬!!)


Daddy即時話我 : 你真係以小人之心, 度君子之腹!!!


車... 我鬼知你咁好喎,, 等我都要搵返呢張咭出黎放係自己個銀包到先!!!


DADDY,, 我愛你!