Mina A' Salam - Al Muna (Part 2)

Mina A' Salam - Al Muna (室內)

佢地d怖置又係充滿阿拉伯色彩... 我覺得好靚!  比起帆船個裝修,, 有品味好多~~ (想睇返帆船, 可以click呢到!)

我真係好鐘意佢地d擺設.. 好有味道!!

酒吧,, 源源不絶既香檳, 啤酒供應!

呢到d Services好好,, waiter不停為客人refill 香賓/水... 完全唔洗你操勞!

 

因為太多相show唔晒出黎.. 所以desserts部份我用Slide show 播俾大家睇!!  呢到d desserts 款式望落好似好多..但多數都係麻麻地~~

老實講, 一分錢一分貨!! 雖然呢到都唔算平,, 但相比帆船, 當然仲差一小段距離~

環境黎講, 我覺得呢到比帆船靚,, 更有特色! 可惜食物就略遜一籌... 所以如果第一次黎杜拜既朋友,, 我都係會建議返佢去食帆船既"Friday Brunch"!! 平日就唔好去啦,, 好呃錢架...

呢到雖然都有生蠔, 魚生, 海鮮等,, 但比起帆船既海鮮,,呢到真係少得令人失望... 又或者呢到食既野主攻地道菜式, 所以多數都係阿拉伯菜.. 反而海鮮類真係好少.. 得呢三盆稍為出色!!!

最好味係呢款蝦.... 又大隻, 又爽甜!!

另外當然係回本生蠔啦!! 我覺得呢到d生蠔好味過香港.. 雖然唔算大隻.. 但好新鮮... 我鐘意食到有淡淡海水味既生蠔... (不過唔好處係,, 等佢慢慢開, 想一次攞多幾隻都唔好意思!)

我最愛既包包... 呢part對我黎講係天堂啊~~

唔講太多啦.. 自己睇d相啦!

Cheese Area

Salad Bar ~

Sushi Bar ~

Arabic Salad Bar

熱葷 (噢,, 因為我無興趣食熱葷, 所以無乜點影!! 但其實有好多野食.. 入d仲有即叫即煮Spaghetti Area,, 係我食飽左既時候先發現!)

Arabic Desserts

我選擇既美食~~

今次既介紹完滿結束... 多謝收看!!

Mina A' Salam - Al Muna (Part 1)

今次我地就選擇左係Mina A' Salam 既 Al Muna 食Brunch Buffet! 時間由下午一時至四時, 價錢為385dhs/位 (約港紙800/位) , 呢個價錢已計埋加16% tax & service charges

其實呢到有兩間食brunch 既餐廳, 但佢地食既野係一樣, 只係內部裝修有唔同,, 不過無論你選擇邊間都可以去另一間到攞野食... 因為佢地既露天座位都擺設左好多小食攤檔... 所以就算你行左去另一間攞野食都無問題!

我兩邊都去過,, 覺得今次去呢間既內部裝修比較靚&值得去!

由於太多野食... 我先介紹露天個part : 

呢個brunch其中一個吸引之處就係包任飲cocktail... 你可以request一小杯慢慢嘆, 又或者要一jar攞返去同朋友一齊分享!!!  對於鐘意飲酒既人黎講,, 的確幾正架!!

露天攤檔提供既食物較為普通

英式All Day Breakfast 就係呢個攤檔, 有專人不停煎/炒蛋, 腸仔, 磨菇, 蕃茄等普通早餐食材~ (見到d bagel 好想試,, 但我唔想嘥左d Quota,,最後都係無食到)

呢個薯條好好味,, 即炸,, 好新鮮!!!

Tempura...無試過!

呢位廚師見我攞起相機影相, 即時好合作咁酒d 水落去令個碳爐著火(好醒目啊!!) 但我都無辜負佢既一番好意... 呢個Shot捕捉得唔錯呀!

燒緊個d係海鮮&粟米.....

阿拉伯特色Sarama (唔sure係咪咁串) , 有塊薄餅包住d雞/牛/羊肉食... 普通街賣3-5dhs一隻,, 都幾好食!! 但我個日無幫襯過~

當然唔少得有我地中國代表... BBQ Duck (北京填鴨) & 扮"叉燒"(我估係雞肉), 但真係唔係我地食開個回事囉!

小朋友至愛... 綿花花, 冰糖蘋果(呢個好恐怖,, 成個蘋果浸滿冰糖!!!) 我見隔離枱個鬼婆攞黎食, 咬極都咬唔開.... 我諗攞黎扑人個頭,, 一定爆缸!

呢到仲有個露天劇場,, 小朋友至愛... 行過都聽到成班小朋友係到哈哈大笑!!!! 佢地真係幸福~

露天既食物先介紹住咁多先.... 聽日又到室內... 好靚架!!!

Madinat Jumeirah - Mina A' Salam

上星期五大少有朋友從馬爾代夫黎轉機, 順便留兩日。 幾個月前已經指明話要再去嘆杜拜d 靚靚酒店既brunch buffet!!!  上次帶佢試過帆船酒店後, 今次帶佢去離帆船酒店不遠既Madinat Jumeirah 運河酒店 (<---有興趣可以click入去睇睇)

呢間酒店好大,, 當中包括有三間特色主題酒店, 而呢三間酒店都相隔左一段距離, 沿途有商店及餐廳享用,, 遊客可以慢慢遊覽行均全酒船; 又或者享用酒店內附設既小船來回, 欣賞沿途美景(但呢個小船設備只適用於酒店住戶)!!!

***其實Madinat Jumeirah都算杜拜一個景點,, 每次有朋友黎都必定帶佢地行。 因為呢到唔似舤船咁一定要係住戶/惠顧餐廳既人先可以入去, 而且裝修完全係仿照古阿拉伯特色, 未黎過既朋友一定會感到新鮮, 最緊要影相一流!!! 有一個位置, 仲可以影到成個帆船酒店既外貌... 都唔錯架!***

今次去食buffet既餐廳係位於其中一個酒店叫做Mina A' Salam

Madinat Jumeirah係一間充滿住阿拉伯特色風味既酒店... 無論裝修或擺設都完全滲出阿拉伯氣色!! (我覺得靚過帆船酒店好多!!)

酒店既牆燈、櫈 & 飾櫃都好靚~

係呢間酒店住, 揀啱方位, 絶對可以飽灠帆船外貌!!! 夜晚超靚... (因為帆船個outlook夜晚會著燈架!)

運河酒店呢個名真係無叫錯... 酒店住戶就係可以享用呢d船仔穿越幾間酒店... 好Good feel 呢!! 我好想座呀~~

今次我地就係黎呢到食buffet,,, 有露天&室內...各有特式!!

 

充滿阿拉伯風味既酒店房...  一場黎到中東國家, 都係想睇呢d姐!!

唔知入面有又有幾靚呢??

呢間酒店真係每個角落都好值得細仔欣賞... 我執相都執左好耐..張張都想post..好難揀!

今日講住酒店既特色及外觀先.. 聽日再黎當然係講豐富既美食啦~~

佢地餐廳入面既裝修都好靚架.. 唔好錯過!!

                                                                                                                          To be Cont'd

接蕉~

為左證明"我們這一家"係幾咁相親相愛... 我要快d POST我呢個香蕉蛋糕同家姐(大少奶)黎個互相輝影!!!

今朝見到個三條香蕉熟到爛!!!!! 一見到爛香蕉我就會諗起Angel既香蕉蛋糕食譜~~

我焗得無家姐個o個咁靚.... 唯有加d朱古力&糖霜點綴下!!!

兩個人住有樣唔好... 就係買餸買生果都好難啱份量!!  好似我地買生果咁.. 又想食橙, 又想食奇異果, 又想食蕉, 又想食蕃茄仔.etc..最後買左返屋企...食唔切...又係放到爛!!!

尤其呢到家樂福好興一大袋橙, 一大袋檸檬, 一大袋蒜頭等咁樣pack住黎賣... 有時諗住自己成日沖檸蜜飲.. 買一大袋檸檬應該食得晒!!

點知今日見到個架有d 貌似綠茶粉既野,, 好奇怪地諗,, 點解個架會有綠茶粉既???? 抺走後,, 陏一陏個架... 由上格又跌左d貌似綠茶粉既物體落黎!! 啊~~ 原來有一隻檸檬發毛發到跌粉啦!!! 個d係"毛粉",,唔係綠茶粉~~~

即刻CHECK下個堆檸檬邊d仲要得, 邊d唔要得,, 啦啦聲食埋佢!!! 唉~