清淡日

呢個禮拜都食得好雜呀...

又pizza, 又蛋糕, 又煲仔飯... 尋日仲邀請左同事黎我屋企打便爐!!

今日一早起身個肚好漲... 又係時候清淡日啦~~

記得初初黎杜拜第一次煲粥... 唔知到原來煲粥用米既份量係比平時少好多, 我見平時d粥咁大烹. .... 仲落多兩錢重米!!

到最後烹粥越煲越"大煲"... even 用個湯煲都滿瀉咁濟~~

依家既我已經知道點樣煲好味既粥.... 先將米洗淨浸大約一小時或以上...

用大半煲水,, 煲滾後轉細火慢慢煲到d米好棉架啦!!. (如果鐘意食'杰'粥,, 就唔好落太多水)

平時我煲粥會落大量乾瑤柱 & 一隻皮蛋...

今朝整蛋糕時有半隻蛋剩... 倒埋落去!!!

唔好覺得我奇怪!!??  台灣人煲粥.. 有時鐘意落蛋花架~~

味道有何分別?? 其實我覺得係有蛋香味..都唔錯架!! 不過我今次落得半隻... 食唔出!!

另外有我係台灣買返黎既紙菜肉鬆做伴菜... 好味道!! 可能細細個食慣左.. 所以肉鬆係我地屋企係不能缺少的... 食方包要佢, 食飯要佢, 食粥要佢,, 就算就咁食都一樣好味!!!

台灣新東陽牌麵筋 (係HK有得賣),, 又係細細個係台灣食慣左... 送粥食一流!!!

隔離個碟係"腐乳"

加多碟亂炒一通... 見雪櫃剩左d咩一次過炒晒佢... 唔好嘥! heeeeeeeeeeee

呢樣係大少命根黎架..佢去日本掃得最多就係呢d野... 每次食粥都一定要, 有時食飯都要!!! (我諗就算無餸,, 俾呢枝野佢撈飯,,佢都覺得好好味!!!) 

屋企仲有兩枝..唔知如果我啦啦聲食晒佢,, 可唔可以用呢個藉口問佢 : 不如去轉日本"補貨"囉...(大家唔好咁好心話我知HK邊到有得買呀,,唔該!! Haaaaaaaaa)

奇型怪狀

大少有時候會選擇留係屋企做野唔返公司

但佢一樣會準時起身, 梳洗好... 換埋衫就埋工作枱做野... (其實同返工相若)

期間我地係唔會講野咁濟..佢有佢專心做野,, 我有我自己上網, 整蛋糕, 去跑步!! 好似當佢透明咁~

唯一唔同既係... 佢會特突唔叫醒我..等我可以一路訓到自然醒!!

以我咁懶訓既性格.....我當然好似隻死豬咁訓到成十一點先識醒...哈哈哈 (越黎越唔稱職~)

當我起身後... 我就會準備煮飯!! 好多時都唔知當係早餐食好?? 定午餐好??

平時點半先食Lunch...依家提早十二點就食!!

所以..理所當然地下午四點幾又會好快肚餓~

今日我就準備左呢堆 "奇型怪狀" 既酥皮橽俾佢嘆下!!!

我自問創作力真係好差... 明明想努力造靚d既型狀... 但我真係無能為力... 所以做得好醜樣!!! (最下面個舊我係想扮蘋果批... 但好似有d勉強~~)

為"丙"承我們這一家... 繼家姐大少奶&殷伯母菇菇姐後...我都要做返個酥皮蘋果批!! 哼~~~ (不過我又一次失手,,,d餡又唔夠甜呀... 撞鬼!!)

另一款極力推介,, 大少食到'lam lam 脷' 不特止...仲話係佢咁大個仔食過最好味既酥皮批.....噔噔噔噔~~ "煙三文魚+吞拿魚沙律酥皮批"

熱辣辣焗出黎... d酥皮脆到一咬就碎... 好正呀!!  吞拿魚沙律原本己經係一絶~~ 再加多塊煙三文魚...仲唔無敵呀!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

做法好簡單,, 先買現成酥皮返黎... 然後跟住指示做啦!!

教完! haaaaaaaaaaaa

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

其實我真係跟住指示做咋!!!

佢教我切開想要既份量,, 再自已'顏'出想要既大小 (薄身d ).

然後放入自己喜愛既餡料...包埋佢... 最後係面輕輕掃上蛋液

用200度焗15-20mins. 即可!!

煲仔飯!!

感謝主~~

賜我有能力去做我想做既野.... 效果雖然無正宗既咁完美,, 但我已經好滿足!!!

要煲到粒粒米都熟,, 粒粒飯都有口感,, 仲要有少少飯焦效果...  好難呢!!!

不過我仍然感恩... 因為我竟然可以係杜拜呢d鬼地方食到一煲熱辣辣既煲仔飯...

好開心呀!!!!

材料好簡單,, 只有肉餅, 蠟腸, 窩蛋

係完全無準備既狀況底下... 洗洗下碗諗緊今晚煮乜餸好呢???

叮!!! 好想食蠟腸...不如用個瓦煲試下整煲仔飯~~  雖然未試過..亦唔知呢個煲究竟煮唔煮到??

不過唔諗咁多啦... 橫掂時間尚早,,唔得咪轉軚食公仔麵囉!!!

初初煲時...d水收得好快..但d飯一d都未熟... 我又要不停睇火,, 加水.. 一邊攪拌..怕痴底!! 最麻煩係呢個瓦煲買返黎既時候已經講明唔可以用大火烹調..只可細火... 所以,, 我又怕d飯唔熟,, 又怕個煲會燒爛!! (都幾''呢hea'')

臨尾二十分鐘,,我將d蠟腸, 肉餅(牛肉) 放係飯面,, 用細火慢慢煮熟佢....

最後,, 睇個款好似好ok喎..仲不時傳出陣陣煲仔飯既飯香味... (帶少少焦味) , 臨熄火前將隻生蛋打埋上去,, 再蓋上煲蓋焗到半熟!

炒多個白菜仔... 簡簡單單又一餐!!! 大少好Surprise點解我會整左個煲仔飯出黎??  haaaaaaaaaa 老實講,,我今餐真係食得好開心!! 因為做到自己想食既野出黎... 雖然d飯煮得淋左少少(加得多水得濟!!)..... 但我地都食得好開心!! 可能又係無得食,,所以質數差都會接受啦...哈哈哈~~~

煲底都有飯焦既效果!!!  好好味~~ 天氣涼涼地..屋企冷氣凍凍地,, 食個熱辣辣既煲仔飯..真係好開心!!!

下次要買多個大d既瓦煲黎煮至得,,,因為大少又投訴唔夠食!! 佢話呢個煲只係一人份量... 依家食到到喉唔到肺... 一定要encore呀!!! heeeee.... 見到佢食得咁開心.. 我都好開心呀~~

再一次!!! 感謝主~~

熱情果芝士乳酪蛋糕

一直都好鐘意熱情果既味道....

細個返台灣必吃刨冰...每次都要加入百香果味作調味...

酸酸甜甜... I Like it~

之前見到YY Cake  做左個熱情果白朱古力芝士蛋糕,, 有好sharp既熱情果啫喱面... 好吸引!  可惜我自己本身唔鐘意食白朱古力..所以請教左YY Cake有冇其他野可以代替呢??  答案係 : 純乳酪....

Yeah.... 好靚呀!!! 係HK買左d防潮糖霜返黎..唔洗再驚佢一落即溶啦~~

因為熱情果果汁本身味道帶少少酸... 而乳酪又係酸.... 我怕只做消化餅底個味道會太酸或好漏... 所以另外焗左個蛋白蛋糕做夾心中和返個味道....

因為熱情果味唔夠Cream Cheese重..所以出黎效果濃芝士味較重..熱情果味較淡, 唔會太酸.... 加上今次打蛋白既時間較得好準,, mousse部份超滑身... 好似食緊好滑既豆腐咁!!! 

第一次做呢款味道既蛋糕...感覺都唔錯呀!!! 唔洗成日食黎食去都係個幾款味~~

食譜可以參照返YY Cake  既白朱古力黎做... 味道可能仲好味!!!

好痛呀!!!

我個人成日都好似隻盲頭烏蠅咁撞到抬, 撞到角... 所以個身成日都會有d瘀痕!! 不過都係小事~~

前日去跑步... 帶備我以下運動三寶 : 水樽, 毛巾, 電話

電話內附mp3能功... 所以我跑步前必DOWNLOAD一d電台節目去聽,, 邊聽邊跑,,時間就會過得特別快!! (多得lala提點~~ thanks!!)

前日去跑步時,, 隻手唔小心勾到條headphone...成個電話"啪"一聲係跑步機上飛左落地... 連張SD CARD都飛埋出黎...

心急既我...因為Set 左 program黎跑, 已經跑到一半, 唔想Stop左佢, 所以諗住懶醒地將一隻腳踏上跑步機旁邊既腳踏到, 想企隱再落地執返部電話~~

點知,, 我另一隻腳縮唔切... 而部跑步機仲運作緊... 所以我就被另一隻腳拖跌左我!!!

大家諗下當時情形...跑步機運作中,, 我被佢拖跌,,我差不多成個人扒左係部機到.....

最後,, 小腿撞到旁邊角位...痛到眼水都標埋出黎!!!!

最樣衰係俾個到既工作人員見到.. 仲走黎問我 " Madam... Are.. are u OK??" 

係咁瘀既情況下, 我當然話 "Fine...I'm ok (加顫抖微笑!!)

我仲要威到因為唔想浪費左之前跑左既時間,,而堅持跑埋個半個鐘先走....

哼!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! (係咪好有體育精神呢~~)

返到屋企,, 見到好似無乜事... 又無流血..仲以為no problem 啦!!  點知到沖涼時,,俾熱水淋到都覺得好痛呀!!!   原來腫左一大條痕.. 只係未發出黎咋~~

我諗呢個瘀痕遲D就會慢慢變深紫..... 

哇~~~ 我的媽呀... 好痛呀!!!!

補一補

自問入廚經驗唔耐... 而且廚藝亦唔叻...

平時煮既餸,, 多數都係憑感覺亂煮出黎... 而且多為普通菜式,, 所以都勉強可以接受...

但講到要整傳統中國名菜..如 : 咕嚕肉、炆鵝掌、乜乜炒海參、鮑魚、東坡肉等...我就真係一竅不通!!

我覺得要做到以上菜式..真係要花好多時間, 同埋味道唔可以好似平時煮飯咁求求其就做到... 所以係我日常既菜式入面.. 好難食到呢D好野!!

自有一次去大少同事屋企食過呢款"冬菇蠔屎炆花膠"後... 再請教下點整.. 原來都好容易喎...

花膠係一次過大量烚半個鐘, 浸過夜,, 然後剪開適當份量, 分好一包包放入雪格冷藏... 到要煲湯/煮黎食時先攞一包出黎煮,, 十分方便!

原來只需炆大約一個鐘..d冬菇, 花膠已經淋晒... 入晒味!! 好正呀~~~ 我自己仲加左d生菜係底... 只欠髮菜.. 如果唔係更Perfect 呢!!

大少對我咁好,, 有時都要整返d "足料"貨俾佢補一補~~ (不過,,我淨係識整呢d... 再高難度少少既野..我就唔識架啦!)

簡簡單單又一餐... 感恩感恩!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

提外話 :

之前做既香蕉合桃磅蛋糕實在太好味,, 而且又方便!! 見仲有兩隻蕉剩... 前日做埋佢... 今次我將食譜份量加多1/3去就返我個長模... 同埋因為無晒合桃..所以我改用杏仁去做...

嘩!!! 見到個蛋糕升到好高,,好開心呀!!!

今次出黎既效果大隻好多... 而且特登再焗燶少少,,令個皮更脆!!!

用兩隻香蕉做出黎..香蕉味更出... 好好味呀~~

你地睇呢張相.. 件蛋糕似唔似烈艷"豬唇"呀? Haaaa

P for Pizza Party (附recipe)

今日個肚已經無唔舒服啦!!  無受困擾..人都精神d ~

晏晝同大少同事msn... 知道佢夜晚會過黎我呢邊Club House 做gym, 口多多問人地今晚有冇興趣黎我家食飯 (因為平時問佢地,, 佢地怕麻煩我,,多數都話唔洗麻煩.. 不如一齊出街食!!)

點知!!! 人算不如天算... 佢今日竟然話 "好呀~~ 你係咪真係有時間煮先??"  既然我都開口問人地先,, 唔通人地話黎.. 我先話 "呀.. 我講下咋!!"  最後,, 我唯有硬著頭皮go ahead啦...

之前見到包包書教整pizza...一直好想試..但未有機會..今次啱晒黎招呼朋友啦!!!

原來整Pizza比起整包包簡單好多.. 只需將麵團mix埋..然後發烤兩次..即可放料入爐~ 唔洗搓餐死... 鬆一口氣!!!

我個pizza 既餡料有 : 蝦.. 魷魚... 蟹柳... 磨菇 (茄醬底)

焗既時候好香...見到顏色鮮艷..好開心!!! 第一次整..當然有要改善既地方... e.g. 個包底太厚.. 有D 似食麵包...下次要減份量; 同埋芝士刨得唔夠多!!  不過,,我已經好感恩...因為第一次整, 已經可以做到"食得落"既效果... 總算無失禮賓客...heeeee

仲有,, 雖然味道不及出面d Pizza 咁野味... (係有d唔同.. 但講唔出有咩唔同?) 不過食完後, 感覺明顯地唔會好似出面食個d咁漏.. 加上配料完全用上自己鐘意既食物... 真材實料!! 正~

另外仲有新鮮吞拿魚薯仔沙律... (沙律係穩陣之作.. 一定唔怕唔好食!)

最後仲有蝦汁蜆肉炒義粉~~  爆香蒜頭炒, 炒香用來做PIZZA剩下既蝦頭, 加d 雞湯, 鹽, 黑椒半炒半煮d大蜆... 最後將蜆肉拆殼...用餘下蝦蜆汁炒熱義粉即可!!!  呢個全場至受歡迎.... 超正!!!

由於今晚得四個人晚飯..所以唔洗預備太多餸菜... 我用左兩個鐘去預備呢餐飯就攪掂!!!  飯後仲有餘興節目..就係唱k~~ 新買左部dvd機...為著就係唱k... 我地呢d香港人... 平時無乜消遣, 除左打牌..唱K係另一個好節目!!  有同事十一月會返hk..到時我會再叫佢入其他新碟... 務求做到 [人在杜拜,, 心在港] 既效果...哈哈哈~~~

Pizza Recipe (copy from 曾美子第一次教你做麵包)

材料 : (可做4個pizza)

我上面呢個係用以下份量做出... 但因為我一次過焗晒成個pizza,,攪到個底厚得濟,, 所以我提議如果你地做, 可以除返一半份量做細個d 或者分兩盆焗)

麵團:

高粉 : 600g ; 低粉 : 400g ; 砂糖 : 20g ; 酵母粉 :10g ; Salt : 16g ; 溫水 : 650ml, Olive Oil : 30ml

餡料 :

可自選海鮮/肉碎/素菜等 .... 我自己試過用義粉茄醬做底, 味道較淡; 亦試過用千島醬做,, 味道出好多...配埋煙三文魚,, 效果好好!!

做法 :

1) 將麵團材料混合成麵團(光滑感), 做基本發烤(60mins), 然後取出分割成4等份, 滾圓放在布上, 將布蓋起並覆上濕布, 將兩端收口處折入(中間發烤20mins); 最後取出並擀開約烤盤大小

2) 將麵團擀在烤盤內後, 用叉子在麵團表面戳洞

3) 在表面塗上醬料, 然後放上餡料, 最後撒上mozzarella cheese在面

4) 放入己預熱好的焗爐, 以180度焗20-25mins即可