2007年8月30日 星期四

豪俾你!!!

之前提及過我最近同大少逢星期四放工就會急急腳約埋同事一齊去打Golf!!

打Golf 係杜拜黎講算係一種幾 hit o既活動~~ (我試過一個人坐飛機返杜拜時, 旁邊前後左右坐滿一班五六十歲既夫婦... 佢地自遊行去杜拜玩,, 其中一個目的係為打Golf~~ See..杜拜golf 場都唔野小)

我估由於呢到地方大,, 而且有錢.. 所以都好肯花錢去起靚靚Golf 場!

而我黎左咁耐, 都係近呢個月先開始學打.... 以前成日睇人打.. 心諗 :

好易姐... 有冇咁難打中個波呀??

到自己學起上黎.. 先知... 有幾難!! (加上資質問題啦~
~ )

不過今次想同大家介紹呢個Golf 場並唔係杜拜.. 而係o係我地住個到 --- Abu Dhabi, 所以呢個Golf Club 又叫 Abu Dhabi Golf Club

由於放工先去, 所以天都差唔多黑齊!!!  影唔到呢到究竟有幾靚....

好耐之前試過跟大少上場打 (我當然只係負責"睇"佢打 & 揸車仔啦), 當日我影左好多靚相返黎... 真係靚到不得了!! 好似去左世外桃源咁... d草又綠,, 周圍又種晒花... 又有湖景... 不過, 當時部電腦壞左, d相唔見晒!



上面呢張係大少以前用佢手提電話影, 一千零一張日照!!! 呢座好似一隻鷹既建築物就係呢個Golf Club 既Main Building...入面有餐廳, 商店, 更衣室等等... (好似仲有泳池!!)

P.S. 點解起左隻鷹出黎?? 因為聽聞鷹係UAE既標誌.. 佢地好鐘意鷹.... 呢到好多野都係用鷹黎做嘜頭架!! 所以話 : 認住呢隻"鷹".. 黎Abu Dhabi(<---發音 : 阿Bu DaBi)有保證!

唔好諗住我地咁有錢, 個個禮拜去打Golf...我地只係去Driving Range到練習... 而呢個練習場係真實草地場俾你打, 唔係人做草皮黎架~~  踩落去d草到既感覺都好good feel架!!

係咪諗咁樣打法, 一定都唔平呢???  其實..... 只需俾於港幣約40蚊, 就可以租一盆波 (放左係地下個d) , 咁你就可以慢慢打... 其間, 仲有工作人員偶然遞濕毛巾俾你抺汗... 又有凍水任飲... 幾爽呢!!!

而我地呢d初學者,, 4個人去, 都係租左2盆波 (80蚊到) 慢慢練足2個鐘!!! 每人除返都係廿雞, 就可以享用咁正既場地!!

所以我地都上晒癮... 成日心思思想去玩呢~~~

仲有仲有!!!!!  個TOPIC寫明豪俾你~~  我呢d 婆仔性格又點會淨係打波咁簡單!!

打完波.. d汗出到連個"爸爸"兩個罩都濕埋.... 唔沖返個涼點走呀??

毛巾.... 任用 (免費!!)

Locker 任用 (免費!!!!)

沖涼液, 洗頭水, Wash Cream, Hand Cream 任用 (免費!!!)


你有口嗅咩???  李司德林任飲~~ (免費!!!!)


你係狐霸咩?? 香體噴霧任噴 (免費!!!!)

屋企無風筒, 無Hair Spray, 無棉花, 無棉花棒~~ 乜都任你用 (免費)


地方乾淨又夠大... 入左去,,真係以為自己濶太上身, join左百幾萬會藉一年既club咁~~

大家唔好唔記得... 我地每人都係花左廿蚊雞咋~~ 就有咁正既設施享用!!!

我R爆個頭都唔明點解佢地咁好死(平時HK/大陸個d.. 用乜都額外收錢架麻!!) 

不過學大少話齋... 人地有錢國家.. 呢d 少少services 又算得係乜... 豪俾你囉!!!

噢.. 終於深深明白!!  有錢真係唔同D~~


2007年8月29日 星期三

是...是南乳齋煲嗎??

 

唔好諗住我成日整desserts,, 係咪已經放棄左減肥大計!!

NO...NO...NO.....  除左肉體上繼續努力做運動外...

我係飲食上一樣控制得好恰當架~~~

蝦仁炒蛋!!! 極少油版~~~ 


係咪無見過咁大隻蝦仁既蝦仁炒蛋呢??  因為屋企得大蝦,, 唯有照用!! 最多切開一半, 賣相無咁怪囉~~


南乳齋煲!!!  用瓦煲黎盛載熱辣辣既餸就最啱~~ keep熱keep得好之餘.. 又有出街食Feel!!!


自從大少同事係呢到搵到南乳買, 送左一樽俾我之後,, 我極愛用南乳煮餸,, 因為夠味又方便~~

今次煮呢個南乳齋係因為之前見大少奶整過!! 好想食呀~~~ 

但失敗既我, 竟然搵唔返大少奶整南乳齋個篇網誌 

唯有自己膽粗粗又亂煮一輪... (希望唔會又懶醒!!)

煮完後, 我自己都覺得很讚呢!!!   可能南乳味真係好好食...加上材料全部係我既至愛... 所以效果好good呢!!

我其實唔係好知南乳齋有D咩料.. 我自己用左 : 生菜, 玉米仔, 腐皮, 粉絲, 磨菇..蝦米等....

大家可唔可以話我知,, 正常既南乳齋煲係有乜料架??


2007年8月28日 星期二

綠茶布甸

25 August 2007 - 綠茶布甸

上星期睇Angel個Blog...見到佢曾經個過抹茶布甸, 好吸引呀!!!

  (多謝Angel既分享!!)

最抵死係... 佢係用日式布甸d杯杯裝住~~

令我又好懷念個次去北海道食既布甸!!

所以, 我又忍唔住照佢個recipe做左幾杯出黎....俾大少一個驚喜

雖然我上次係日本食完布甸都有留起個樽返黎....但已經放左係廁所當擺設,,, 所以我用返之前新買既杯杯黎盛載布甸

外貌無Angel個d做得咁有風味... 但食落一樣無得頂!!

個Texture 唔係完全似足日本個隻布甸咁滑... 但口感亦唔差, 有少少雪糕Feel!!! Yummy~~

大少&同事們都激讚呢!!

以前我只愛飲茶綠, 但唔鐘意食綠茶味既雪糕 or 副產品, 因為覺得無乜味道!!

不過自從係北海道白痴戀人工場個到食過綠茶味雪糕後,, 佢既綠茶味好香濃...又唔太甜, 個陣綠茶食完個口仲會齒夾留香添 (係咪有少少誇張!! heeee)  所以, 我依家對綠茶味既食物.. 都產生興趣啦!!!


你地鐘唔鐘意綠茶味呀?? 隨便享用啦~~


食譜 Copy from Angel ...(Thanks again!!

)

材料:(可做成4杯,每杯直徑7cm)(我個隻玻璃杯可以做6杯)

牛奶250毫升、淡忌廉200毫升、蛋黃2個、糖70克、抺茶粉2湯匙、魚膠9克

預備:用冰水浸魚膠、抺茶粉用半份糖混合。忌廉打起至7成。

做法:

1.蛋黃加入餘下的糖混合,打至淡黃色。

2.煲牛奶將滾時熄火,加入預先混合糖的抹茶粉,用打蛋器混合。

3.逐少把牛奶抺茶混合物加入(1)裏面。然後回煲用小火煲至杰身。

4.離火後加入魚膠,要徹底攪勻。

5.用茶隔過濾。座冰水降溫。

6.當混合物冷卻後,分兩次加入打起的淡忌廉。攪勻。

7.分成四杯後,入雪櫃冷藏3-4小時。


2007年8月27日 星期一

懶醒!

最近我不斷究研一D唔太油/太肥既餸菜...

think8 咩到盡量炆, 燉, 蒸, 焗, 煮... 謝絶煎炸!!!

尋晚因為夜食, 所以整沙律....

係我切緊薯仔既時候, 突然間心血來潮想試下焗薯片食!!! (焗唔肥麻~~

)

其實是緣係因為初初見大少奶介紹過個薯片器後.. 發現好多人陸陸續續都買左黎自製薯片!

只需切D薄生薯, 一塊塊放入個薯片器到, 再用叮叮爐叮幾分鐘...即可~~

完全唔需要油去煎去焗!!  實在太吸引啦~~

不過,, 我都知自己身在呢d鬼地方
邊有可能買到呢部咁正既玩意玩....

所以靈機一觸!!  不如試下自己將D生薯切片放入焗爐到焗..睇下會變成點??

賣相係咪都唔錯呢~~

唔好見佢反晒光.. 我一D油都無加,, 可能佢自己出既油/水掛..唔知呢??

厚度大約如上!  加少少鹽,, 趁熱食...

味道相當............................怪雞!!!!!

?1
(雖然都脆..但唔香囉~~)

!!!!!!!!!!!!!!!!!!!!!!!!!!!     呢D咪叫懶醒囉!!

??1

如果真係咁易整到好味既薯片.. 就無人買個部薯片機啦.. 更加無人幫襯卡樂B囉

發完一輪癲後.... 都係正正經經食返我個沙律算吧啦!!!

連最後一包煙三文魚都係前幾日食埋,, 所以今餐比較寒酸, 無乜料~~

好彩大少都好識做咁講 : 偶然食清D都幾好呀!!! (抵錫呀~~咁識講野

)


呢枝Oliver Oil with Balsamic Vinegar(香醋), 點麵包食十分之一流!!! 見屋企枝千島醬無乜淨... 試用呢枝黎點沙律食, 效果都好好味!!!