笑話一則!
尋晚同大少晚飯後, 一返到屋企, 佢就攤係Sofa到... 我靜靜咁坐係地下望住佢
我 : 你咁快眼訓啦? 大少 : 係呀, 好累呀~~~ (說話沒氣沒力)
我 : (情深款款咁摸佢塊面) 你訓覺個樣好似狐狸!! 大少 : (即刻睜大雙眼) 下, 點解呀?? 
我 : 你訓覺咪埋眼時對眼好似狐狸囉!! (但我依然繼續情深款款咁望住佢~~ 覺得佢一臉稚氣!)
我隨意講左一句 : 狐狸先生幾多點?
大少 : (援援睜開雙眼, 四周望一望) 十一點三 (好正經咁講!)
我 : 十一點三!!!!!! 邊有十一點三架~~~~ 
.................................. 勁爆笑~~~ 大少 : 依家咪十一點三囉~~ (唔明我仲乜笑得咁勁!!)
(行碎步咩!!!!)
我: 你有冇玩過狐狸先生幾多點呢個game架!!! 小學好HIT架喎~~ (繼續大聲恥笑佢!!!!!!)
大少 : (無奈地) 我未聽過喎!! 
去完富良野&美瑛, 我地又要揸兩個幾鐘車返札榥作一日停留, 因為我地既尾站係登別, 如果直接由美瑛去登別, 需要揸成四個鐘車, 所以我 plan 左返兜札榥作中途站! (順便睇下有咩未睇未買, 作最後衝刺) 
返到札榥, 我地其實無乜目的地, 有時間就去左電視塔到參觀一下
呢個電視塔其實無咩野睇, 只係睇札榥四周既景色... 有時間都可以去睇下既!
日本D建築物真係起得好有條理 ~~ 可惜天色唔好!
中間無建築物既地方係大通公園, 係札榥都好出名架~~
好想坐個摩天輪, 可惜我地唔夠時間 
雪印雪糕... 點可以唔試呀! 呢隻新口味, 食到中間, 有一條朱古力條係入面架~~
去完電視塔, 順道去地下街shopping~~ 買左一盒新鮮美味士多啤梨, 真係想買多幾盒返香港! 沿途係車到, 我洗都未洗已經食左大半盒!! 超好味~~~
黃昏時候, 我地趕住去藻岩山睇夜景... 可惜...個夜景矇到我地只可以係架纜車見到自己既影!
如果天氣好, 可以睇到個夜景好靚架~~~ 
攪完一輪, 係時候開飯啦!!!! 今次我地揀左蝦蟹合戰 (但呢張相係蟹將軍到影...heeeeeee)
我地兩個人叫左兩個套餐, 一個蟹宴, 一個蝦宴!! 食到好飽好飽,, 可能食太多蝦蟹, 我仲食到夜晚身痕添!!
自搬左去新屋後, 我無得上網.....
唯一娛樂就係不停整cakes, 做餅, 做小吃! 雖唔講得技術超班... 但對我自己黎講,, 我好開心... 因為無諗過自己會不知不覺做左咁多食品出黎! 
今次, 我跟書做左呢隻迷你英式鹹鬆餅....
自己本身好鐘意食scones, 記得以前中學時代, 放學好鐘意同同學三五成群去KFC 下午茶... 我必叫scones, 擦上厚厚牛油&士多啤梨果醬.... 一啖咬落去, 成口被鬆餅張住.... 食完會很滿足!!! (以前都唔識驚肥或怕唔健康!)
但年紀日漸增長, 唔可以再好似十六七歲咁乜都唔怕, 食左先算! 故此, 係飲食方面都不時提醒自已唔好食太咸, 太甜, 太多! 所以我係呢邊做既甜品, 蛋糕或小食.. 我做既份量都唔會做太大/太多.... 而且我絶對唔會獨吃, 會同大少既同事一齊分享! 一來可以與朋友分享, 係一件開心既事; 二來大家都唔洗怕會吃太多, 壞肚皮!
故意用較小型既圓模去做型, 一口一個.... 一個起, 兩個止,, 唔會太濟! 
出爐啦... 好香牛油味,, 比起KFC... 我做既稍為遜色, 但依然美味! (因為新鮮熱辣麻!!)
一份麵團原本可做12個1.5寸既scones...但可能我做迷你版, 仲有好多麵團剩! 所以我將麵團放入雪櫃, 接下兩日都攞出黎即焗即吃作配餐... 一樣好味! 我想最緊要係新鮮出爐既野, 特別好味~~)
你地鐘唔鐘意吃Scones ??
**********************************************************************
食譜 :
無鹽牛油 ~~~~~ 70g (室溫)
麵粉 (低根) ~~~~ 230g
泡打粉 ~~~~~~~12g
salt ~~~~~~~~~~ 半茶匙
雞蛋 ~~~~~~~~~ 50g
酸忌廉 ~~~~~~~ 125g
做法 :
180度預熱焗爐
1. 將麵粉及泡打粉篩入碗內, 加入salt & 無鹽牛油, 然後用手搓勻(用手指壓偏牛油, 令麵粉同牛油MIX埋!)
2. 加入已打勻雞蛋&酸忌廉, 繼續用手搓勻至麵團狀.
3. 用保鮮紙包好, 放入雪櫃雪大約半小時
4. 用棍/手將麵團稍按軟, 然後用棍壓至約5毫米厚, 再將麵團對摺.... (大約1 cm高)
5. 用曲奇模割出圓型麵團, 最後係麵團面擦一層蛋黃液
6. 以180度焗15-20分鐘
玩完富良野... 下一站當然去埋美瑛啦~~由於係富良野玩左大半日.. 去到美瑛第一個站就立即去民宿CHECK-IN, 稍作休息!!
呢間民宿比起富良野個間較為商業化... 工作人員都係外聘, 唔係一家人經營!
同之前個間一樣, 我地自己租左一個Cottage...有私人廁所, 間屋其實好大, 我諗至少可以住八個人!!!
等開飯前, 我同大少爭取上網時間....
開飯啦 ~~~ 比起富良野既晚餐,, 豐富好多呢!!
不嗜酒既我... 係開心既環境下都叫左一杯beer~~~
食完一餐豐富既晚飯,, 我地就返屋仔休息! 而大少亦要為連日玩樂付上代價!! (就係要做公司野) ,, 呢個時候, 正好俾我收拾下連日黎買左既野啦... 因為要衡量下洗唔洗買多個喼!!!
雖然唔係太多野.... 但D野食既盒好佔位!! 
溫馨早餐 ~~~ 最好味係個西柚,, 甜過橙!!!
叉足一晚電.... 精神包滿再出發啦!!
雖然無乜特別地方要去觀賞,, 但沿途景色都唔錯.. 見到靚既... 咪落車影下相囉 (有時D旅遊車經過, 我就會感恩自己唔係跟旅行團.. 唔洗再受控於緊密既行程)
好少見到呢D火車軌,, 趁無車行入去影下相先~~
遊美瑛另一個好方法就係踩單車... 可以遊遍美瑛各大出名既景點... 包括以上... Mild Seven (柔和七之樹) , 何以出名, 原因係當年煙仔Mild Seven係到賣過度告, 咁跟住就出左名!! 其實都幾無乜特別~
再黎係親子之樹, 一大片草地上有草一家人! 爸爸, 媽媽 & 仔仔.... (我懷疑緊佢地咁啱生成咁, 定係D人特登剪到佢大中小呢?)
最後, 我地去埋Ken & Mary之樹, 其實有乜特別? 唔知呀, 書介紹咪去睇下囉~~
時間尚早,, 去埋七彩之丘睇花... 但係.. 又係無乜花睇!
試幻想全部都開滿花... 有幾咁靚~~
依家先出少少葉仔, 幾時先有花睇呀?
另一款口味既波子汽水 ---- 又係蜜瓜!!! 好味過薰衣草味~~
美瑛好快就玩完... 我地又要揸車返札榥!!!!
尋晚發生左一件醜事~~
所謂家醜不出外傳… 但係, 我不吐不快,, 掙扎左好耐,, 都係要記低!
主角 : 大少 & 我
地點 : 家中客廳
案發前 : 睇緊溏心風暴
***********************************************************************************
我 : 靜靜雞做左d 衰野~~~ (唔怪得我,, 睇緊溏心,, 好緊張麻, 唔想行開!!)
再過一分鐘…. 我又做多次衰野!!
大少 : 你係咪疴屁呀? (好好奇&有少少頂唔住咁問我…) 
我 : 係呀 (好理直氣壯當無野咁!!)
跟住大少用咕順係咁撥空氣~~ 大家無出聲, 繼續睇溏心 ~~~~
過多五分鐘後做完一集…. 大少問我好唔好睇多集??
我 : 哼!!! 你唔愛我啦… 你嫌棄我d屁(仲要惡人先告狀~~~)
大少 : 無呀… (好似被屈咁~~) 
我 : 無天理,, 無皇法… 疴屁無自由呀!!!! (仲要大叫~~)
我要話俾daddy知… 你管制我疴屁… 無天理,, 無自由呀~~
大少 : 我無呀,, 你仲乜學阿琴(溏心細契) 亂作野呀!! 我聞到第一水屁味時, 我已經唔出聲…我諗.. 咦!!! 正呀,, 醒晒!! (扮晒野咁講!!!) 跟住第二轉又有, 我... 我吃不消… 先出聲問你係咪疴屁之麻??
我 : 你去死啦!!! 你真係唔介意聞,, 你又用咕順撥空氣~~ 跟住又好不滿咁問我係咪疴屁?? 係我疴屁又點呀~~~ 你有冇聽過 : 甜的吃!!! 苦的也吃!! (我彷彿真係以為自己d屁好好聞咁.. 一d都唔覺醜!!) 
大少 : 我問下之嘛…. 諗住問下你仲有冇得放… 我想再索麻!! (仲係到死撐加埋個衰樣!!!)
我 : xyz#%% 你去死啦~~~ 核突佬!!!
***********************************************************************************
其實呢篇野我真係諗左好耐好唔好寫出黎… 話晒… 我係大家心目中都有個形象架麻,,, 咁樣公開我疴屁事件.. 真係咩形象都無晒!!!!
但係, 我覺得尋日既情形&對答真係好攪笑, 我想自己記低呢件事,, 係某年某月某日睇返… 原來我同你發生過d咁核突又攪笑既事!! heeeeeeeeeeeee 我愛你呀,, 傻佬!!!
你地有冇試過係老公/情人面前疴屁呀?? 情形會係點架…. 講黎聽下呀~~ 
