除左同迪士尼卡通人物影相外,,, 我地仲玩左巴斯光年, Space Mountain, 睇左Golden Cinema個Show, 坐船去探險, 鬼馬呠呠車 & 3D立體影院 etc....
玩既野真係無乜好提... 因為對大人既唔刺激亦唔算新奇!!! 不過我自己覺得迪士尼真係做得好成功.... 首先, 我地唔好理佢係咪全球最細既Disneyland... 唔好將佢同其他國家相比, 因為無得比.. 香港同日本比, 都無得比啦!
但最起碼, 小朋友入到去係真係個個都好開心..... 大部份大人去到都可以拾回失去既童珍! 就算我地每一個人都知道米奇老鼠係人扮, Winnie the Pooh係一隻卡通人物, 史迪仔係一隻唔可愛既怪物 ~~~ 但入到去,, 你依然係會俾佢地感染到歡樂... 你真係會好開心同到米奇米妮影相.... 見到其他卡通人物, 你仲會同佢揮手問好! 呢D咁既行為,, 除左入迪士尼會做之外.. 是問一個大人點會做出以上行為??
或者有人會覺得入迪士尼係極之無聊, side錢, side時間既行為.... 但我覺得我自己仲好好彩, 因為我仲有去迪士尼玩既衝動,, 而且玩得好投入.... 證明我童心未泯! 
當然, 有得揀我都係想去美國, 日本, 法國既Disneyland! 但係, 係咪你想去時就可以任何時間都去到先?? 既然迪士尼真係選擇左係香港發展,, 點解身為香港人既我地, 唔去好好支持, 就算就係有唔好既地方, 咪俾個機會迪士尼慢慢改善; 但好可惜, 好多人只會不斷踩返自己擁有既優勢, 自己未去過就一口講定話唔好玩, 唔值得去呢? 連香港人自己都唔支持.. 你諗外國人仲會有興趣黎咩?
我自己真係好佩服迪士尼呢個集團.... 雖然不斷受到外間猛烈批評, 又話唔好玩, 又話細, 又話刻薄員工等等... 但係入面做既野員工, 我睇得出每一位都係好用心, 好親切咁對待每一位顧客.... 尤其好辛苦扮卡通人物既工作人員,, 佢地每一個動作, 每一個身體語言都係好努力咁演釋自己所扮既公仔....係呢一樣野到已經睇得出, 迪士尼既management level應該係做得好出色!
Anyway,,我只係覺得今次同朋友去完迪士尼玩, 玩得好開心... 其實迪士尼都唔係外界般講得咁差姐!
花車巡遊 ~~~ 
好多好得意既精品呀!!! 不過係咁叫自己忍手唔好買咁多野
高飛,, 真係搵個高佬黎扮架!
夜晚又遇見唐老鴨,,緊係唔放過佢啦!
入Golden Cinema 睇show ....仲見到邱淑貞同佢D女&朋友添!
偷拍左一段仔, 同大家分享!
估唔到係迪士尼都俾我影到日落景... 
Disneyland既 Window Decoration 出左名靚!
夜晚放煙花.... 覺得好睇過年放個D.. 因為過年一定迫唔到出去睇! 只可以係屋企電視睇 
夜晚睇座城堡真係好浪漫!!
),, 把幾火自己走去學, 學完我就成日都會為自己整甲! 我諗呢樣都係我既興趣... 
