元朗大榮華酒樓

我呢d香港區既人,, 難得入到天水圍咁遠 (講真, 真係去杜拜多過去元朗), 當然順個便去埋元朗到食好出名既"大榮華酒樓"啦!

好多時都聽人講去大榮華食飯, 等位等到好誇張... 但當日, 好好彩, 我地六點半去到, 唔洗等位, 直入就有位! 雖然係一張毫不起眼既死角位... 朋友SAM講笑話係肥滔留俾佢喎!  坐邊都好, 唔好要我等位就得!

聞名不如見面, 今次係我第一次去大榮華酒樓食飯...雖然見唔到食神滔滔, 但都不往此行!

黎到大榮華, 當然要食最出名既豬油撈飯啦!  朋友SAM叫左一客, 我無同佢一齊癲, 因為實在接受唔到食豬油撈飯... 太肥啦! 不過我都有試到味道, 果然酥香... 好味!  (咁好味, 唔怪之得肥滔咁鬼肥!)

豬油撈飯就係用肥滔至愛既頭抽 + 豬油撈成既飯... 肥滔話 : "嘩,, 阿女, 真係好有口感, 第二到食唔到呀, 食多D啦!" (設計對白)

食完睇下個砵幾咁油!

主菜有....家鄉蒸蠔砵 (味道OK, 唔算超好味!)

XO醬西芹炒豬天梯.. 第一次食豬天梯, 幾野味!

頭抽蒜片煎生蝦... 炸到連殼都食得架... D蝦肉又唔會炸到爛肉,, 依然保持鮮甜爽口彈牙! 推介之一!!

最開心係唔洗剝殼, 啱晒我呢類懶人!

金沙蟹粉扒豆苗... 清清地都好好味..

馳名奶皇馬拉糕... 超鬆軟, 又唔太甜... 好好味! 必食推介...

你地睇唔睇得出有幾咁鬆軟呀?

四餸一甜品埋單都係280咋! 以質素黎講, 一D都唔算貴!

約八點食完走人,, 仲有好多人係到等緊位..... 但事實唔止係咁樣....

仲有一堆人坐係樓梯間到等緊位!

我地兩個真係好好彩... 唔洗等位就可以食到! 感謝主!

P.S. 大家有冇去過食呀,, 介紹下有冇其他必食推介,,, 等我下次同大少可以再去試下麻.... Thank you!

香港濕地公園 (第三篇)

香港濕地公園種植左好多唔同種類既花草樹木, 多到都影唔晒咁....

好鐘意見到咁colorful既花花....

望多D綠色植物.. 人都開心D!

呢隻就係綠海龜, 遲D等佢再大隻D, 佢地會將佢放生返大自然...

唔知咩黎... 好樣衰!

獨臂mini蟹..

呢部就係我話好勁既相機... (其實都唔係好勁, 只係我平時用開3倍變焦...呢隻有18倍, 所以令舍興奮,,失禮晒!)

香港濕地公園 (第二篇)

入到室內博物館,  入面有好多唔同種類既假動物公仔係到, 介紹所有生物其實都需要濕地黎維持生態...

動物雖然係假, 但都好迫真!

全個博物館主要用落地玻璃造成, 方便自然光射入之餘, 另一目的係讓遊客觀賞風景及雀鳥... (附設望遠鏡及各雀鳥特性解說)

另設有環保主題, 教導小朋友應該要珍惜食水!

Hamburger & 書都係用左好多噸水去造成...

無聊自拍影子照...haaaaaaaaaaaa

濕地公園既設計一D都唔馬虎...  我覺得好睇過太空館, 太空館設計唔夠呢到吸引

用我買俾大少做生日禮物既相機, 就可以影到九萬幾丈遠既雀鳥... 勁呀!

呢到真係好大... 我地由十二點幾行到五點先勉強行晒... (仲要係好快咁睇)

朋友SAM話原本呢到係乜到無, 所有湖, 所有花草樹木都係人造, 唔係天然... 人類真係好犀利... 爛地都可以變得咁靚...

好鐘意呢D石地... 靚嗎?

香港濕地公園 (第一篇)

知道朋友SAM plan去香港濕地公園郊遊下.... 見自己係杜拜呆左咁耐... 難得有時間天氣勉強都唔錯, 決定跟同朋友SAM一齊去睇下香港濕地公園... 順便視察環境, 如果GOOD既話, 下次同大少再去過....

for 港島區朋友 reference :

坐地鐵往中環, 去香港站坐東涌線到南昌站, 再轉西鐵705號往濕地公園站落車, 過天橋步行約五分鐘即到

入場費 - 成人 : HK$30, 小童 : HK15(3-18歲 & 全日制學生)

開放時間 :  10:00am - 5:00pm (逢星期二休息, 公眾假期除外)

感覺上都好乾靜, 好大, 空氣好清新.....

可能我地星期一去, 所以無乜人, 行起上黎好舒服...

室內都有好多植物& 水....  水係濕地公園既selling point!

好新正.... 呢個濕地公園一D都唔係求求其其既公園... 佢D規劃得都唔錯,, 都好多野睇...

相處-五大''不要''

相處-五大''不要''

 

不要綁
人的一切付出最終是想擁有對方，
但若不懂得適時調節彼此的步伐，
偶而讓彼此呼吸新鮮的空氣，
小心日久生「膩」，

不要惡
相處難免會有摩擦，
但可別逞口舌之勇，
記得心平氣和的溝通才會有好結果，
有時一句挑釁的話可是一百句對不起
也彌補不了的！

不要比
不管你們之間的感情已經有多穩固了，
這一點是天下所有情人都無法忍受的要害喔！
想想前任情人再好畢竟是過去式，
你該把握的是眼前的「好」，
且因珍惜而讓他對你「好好加油」！

不要懶
兩人除了湊在一起，
也會有各自在現實生活中所面臨的問題，
千萬不要忽略了對方的「需要」與「壓力」，
小狀況累積久了當心讓他乘虛而入！
所以獻上殷勤讓他覺得更少不了你！

不要藏
有時沉默並不是件好事，
如果心裡有話不說，即時是一場誤解，
也可能因為你的嘴硬或好勝而永無澄清之日，
所謂冰凍三尺絕非一日之寒，
說出來不但舒坦些也可避免誤會加深！

 

我的回憶...

呢個新年過得太開心啦,,, 日日都同大少糖痴豆咁....

大少一走左, 我就病, 鼻塞, 流鼻水, 喉嚨痛, 頭痛乜都出晒黎... 由大少二十三號走個一日, 我夜晚約左朋友打牌, 打到天亮咁濟, 打完牌半夜五點, 知道大少平安返到屋企, 我就安心一路訓, 訓到第二日夜晚七點, total 14hrs... 再由夜晚十二點訓到第二日晏晝一點,,, 馬拉蟲式咁訓,, 但都仲係不停流鼻水! 好慘....

之前除左去澳門影左好多相外, 其實係香港都係咁不斷影,, 呢d相, 就係我黎緊既食糧, 無大少係我身邊, 我日日都對住部NOTEBOOK睇返呢幾日既開心回憶!

照片真係一個好好既回憶... DARLING,, 我好掛住你!

初四, 去完澳門返黎,,, 我地仲係食唔停口,,, 返到香港返屋企擺低野,, 再過旺角買d野, 九點半去左我好掛住既譚魚頭打便爐!  蕃茄湯底係我既至愛!!!!  肥牛呀肥牛.. 呢d先叫肥牛麻!!!

初五, 大少臨飛前一日, 我地去左飲茶! 有我至愛既糯米糍,, 燒賣... 燒賣皮咁既厚度先叫'燒賣'架麻!!! 唔該大係杜拜開餐館既大陸同志們留意下!

香港人,,, 你地真係幸福呀!! 好普通一餐茶, 我同大少食到咪晒眼, 'LAM'晒脷... 差d飛埋上天係到轉!

年初六, 大少要走啦... 前一日去大少個朋友屋企又打便爐... 大少終於頂唔順, 食濟左,, 上機前仲疴左幾次.. 真係慘!  係九龍站check in完再去青衣城作最後衝刺,, 但大少實在無精力, 無體力, 無心機再行&食.. 我地求其搵左一間唔洗等位既餐廳食左少少野就入機場lu....

呢張相係大少臨入閘影架.. 影完之後, 我攬到大少好實好實唔俾佢走... 眼淚慢慢想湧上黎之際, 見到大少兩眼已經通紅... 佢既眼淚比我流得更快... 無諗過你都會咁唔捨得我!!  要你一個人返去先.. 實在難為左你... darling, 你要自己好好照顧自己啦...

初三去澳門 - 玩樂篇!

黎到澳門, 當然唔可以唔去大三巴啦,, 雖然去過n次,, 但每次去都覺得好新鮮, 影極都唔厭, 尤其今次同大少去, 更加開心啦!!!  好彩今次我地有帶到個大腳架去, 好多相唔洗再靠用手自拍, 可以較到好好咁影埋個景啦!

'

大家留意下澳門真係好多人!

另外花左我地好多時間去睇既就係賭場,, 我地今次去左永利, 金沙 & 新葡京... 我地覺得金沙最靚最Grand...新葡京個感覺都係好迫... 唔夠高級... 而永利就不過不失啦.... 我冒住生命危險係賭場入面影左D相俾大家睇... 有棧好靚既吊燈個到係金沙,,, 第二行第二幅係巴比倫賭場(係漁人碼頭入面, 我地無入去), 第三行第二幅係新葡京入面... 其餘都係金沙!

最後一個值得介紹既係漁人碼頭, 我地夜晚十點幾先去, 拖住疲乏身軀都無乜心機影,, 所以搵唔到合味道杯麪影... 有D失望, 不過都算啦... 澳門真係好有特色呀!

我同大少都想下次有機會再去多次, 因為兩日一夜真係唔夠玩!

P.S. 想睇清楚D相, 請click呢到啦!