2013年12月23日星期一

雅培知多啲!(轉唔轉好呢?)


不知不覺承熹同妹妹都長大了不少, 尤其係妹妹, 開始識得同哥哥玩, 懂得咩叫做分享, 輪候



黎緊二月承熹就四歲, 采霖就兩歲, 在我黎講就好似尋日先出世, 今日已經會行會跳, 時間過得幾快~


上星期老公最細既細佬結婚了, 難得有喜慶場合, 當然要打扮一番!




之前無意中睇到Blogger AnnieCherie既分享, 見到佢地被雅培邀請去新加坡32夜之,係好奇心推動下睇左佢地既文章, 我先覺得原來雅培呢間奶粉廠原來都唔野小

(http://cherie-koala.blogspot.hk/2013/12/5eyeq.html)
(http://princessannielanma.blogspot.hk/2013/12/eyeq-no1.html)



因為承熹依家都就快四歲了, 我都心大心細諗緊好唔好同佢轉屋仔奶, 定係繼續飲奶粉好? 不過依家耐唔耐都聽到一啲奶粉報導, 一時又話某種物質唔合符世衞, 一時又話受污染, 所以依家揀奶粉都要好謹慎!!!!

當我細心去睇雅培既官方網站, 見到原來雅培除左係奶粉品牌外, 原來都有醫療產品, 營養產品, 仲有製藥, 可以見到佢地真係一家擁有強大科學背景,致力研究,持續創新的奶粉生產商 ...




係佢地既官方網頁仲睇到以下幾點:

~ 雅培擁有一流既科研隊伍, 持續創新

美國雅培在美國、歐洲和亞洲均擁有一流的科研隊伍,他們在研發和臨床領域擁有廣泛經驗,包括營養學、兒科、胃腸科、免疫系統、食品科學、生物學、生物學、醫學等領域。而正是這種嚴謹的態度和持續的創新,讓雅培連續 10 年被美國權威雜誌《科學家》評為“最受科學家歡迎的僱主”之一。

連續10年被權威雜誌評為最受科學家歡迎的僱主”, 相信佢地真係用心去做事, 而唔係只求商業化


~ 另外佢地既產品系列好多元化

雅培歷史十分悠久, 而且多元化, 除左生產有關孕婦及嬰兒奶粉外, 佢地仲係一間藥廠, 研製好多唔同種類既健康產品, 照顧唔同需要既人仕。


睇返佢地官方網站都有提及到佢地既嬰幼兒配方入牛磺酸(Taurine),幫助寶寶腦部發展; 有助增強寶寶免疫力; EyeQ配方特別加入Lutein ,係雅培的科研隊伍首次發現腦部負責記憶及學習的區域內含有豐富Lutein,證明 Lutein 有助 BB 腦部發展


, 睇完佢地咁寫, 我真係要好認真考慮下係咪要轉奶粉!! 雖然我知人奶當然係最好, 但我做唔到一個成功既全人奶媽媽, 都希望俾到一隻最好既奶粉俾我對仔女食.


~ 質量監控和生產線

另外令我幾surprise既係, 見到Annie文中提到原來部份奶粉的生產過程,直接由來源地將產品變成粉狀, 之後直接送過來廠房作加工的. 而係新加坡廠房製造的產品同雅培係歐洲和美國製造的產品檢測標準係完全一致,.令我對佢地既品質保證信心大大提高。


















我一直以黎對奶粉都無乜研究, 承熹食緊個隻奶粉都係當年醫生建議的, 我亦無深究佢既成份或公司背景。 直到今日, 我先走去睇睇依家食緊既牌子既網頁....   好明顯, 佢地無雅培EyeQ咁清楚表明公司背景, 生產線如何運作, 更加睇唔到佢地係有專業團體不停研製及創新去做相關係項目。(真係開始擔心係咪揀錯奶粉>_<)

睇完佢地既介紹, 我發現好似無乜奶粉生產商會咁公開俾人入去睇佢地既工場, 雅培EyeQ今次邀請VIP 家庭去參觀, 真係令人大開眼界!!! 有機會的話我都想親自去一趟, 令自己更加了解奶粉既製造過程

不過係轉奶粉之前我都想問一問有冇食緊雅培EyeQ既媽媽可以分享下經驗, 你地覺得呢隻奶粉好嗎?


最後想提一提原來雅培媽媽會都有幾多有用既資訊, 大家有興趣不妨join左佢à http://bit.ly/18YILob,即可享有EyeQ 3 號恩加健買一送一的優惠喇!

2013年11月4日星期一

大大大大大大大大閘蟹

又到食大閘蟹既季節..

大家有冇狂食呢?

我本身唔係十分勁愛蟹, 但近年都會捧下場, 食返一兩隻

依家啲團購又咁盛行, 買蟹又平又方便!!!!!!

所以上星期約埋三五知己一齊"拆蟹"

今次我地買Group buyer既老三陽, $148 (5.9-6.3兩) & $79 (4.9-5.3兩)黎試.... (依家仲做緊架)


好彩有Miele Steamer, 可以一次蒸到13隻, 勁方便 
(入爐蒸25MINS即可, 如果數量較少, 20MINS都已經可以了!)



另外再簡單煮左個炆牛肋條配義粉, 煲左個蕃茄粟米薯仔湯


主角出場... (溫馨提示: 蒸前記得反轉蟹肚向天, 放紫蘇葉係面先放入爐蒸啊!!!)



下次要買多一兩隻預埋俾承熹同采霖食, 佢兩個都好鐘意食蟹!!


$148的... 係大隻少少, 啲膏都OK多, 最鐘意"漿口"既感覺!!!!!!!!


$79的.. 個size細少少, 但綜合大家既意見覺得 - $79/隻係抵食過$148/隻!
  相對個size & 價錢, $79/隻仲好似較多膏, 所以黎緊如果再食, 我地都就揀$79/隻~


最後仲有黑糖薑茶湯丸, 大家食到好滿足!!!!

依家天氣開始涼, 聚埋一班好友一齊食下大閘蟹, 打下便爐, 燒下野食, 真係人生一大快事 ^_^

2013年10月28日星期一

麥當勞開心樂園餐 X Paul Frank

上星期五有幸得到麥當勞公關公司邀請出席麥當奴「開心樂園餐」x Paul Frank 博客歡樂聚餐
 (其實要多謝嗚吱媽介紹, 因為佢知我好鐘意Paul Frank ^______^)

麥當勞既開心樂園餐耐唔耐都出我心水既公仔, 記得有一次係小丸子, 又有邪溜丸, Kitty 等...所以耐不耐我都會留意下佢地有咩新公仔

 今次終於等到 Paul Frank做主角, 勁開心!!



話明今次係Paul frank 做主題, 聚餐場地當然唔少得有Julius既怖置啦~




承熹見到扭波Julius都嚇左一跳, 哈哈!!



嘩.... 啲Paul Frank好靚啊!!!





麥當奴對任何人黎講一啲都唔陌生, 我自己本身都鐘意食佢地既食物, 尤其香脆雞翼同蘋果批.. 等

有時lunch唔知食乜好, 我都會帶承熹去食麥當奴!  依家麥當奴既開心樂園餐更特別設計成"1+2+3"自選食物, 將套餐劃分為主餐、配餐同飲品三部份, 俾小朋友輕易均衡飲食既概念, 又方便小朋友自己點選食物

而承熹最鐘意既組合就係食"魚柳包+粟米+橙汁"




享用完美食, 大會有扭波波節目俾我地玩, 今次扭既公仔當然係Paul Frank人物 -- Julius


工作人員派俾我地一人一個已完成一半既扭波


剩下來既部份就要我地自己動動手


首先扭左Julius既耳仔先, 之後再整埋佢個咀


乜都玩得一餐, 哈哈!!




完波部份完成後, 最後就係畫龍點睛! 承熹即時搶黎做


佢好認真咁幫Julius畫眼晴, 完全唔俾我幫 >_<



加埋鼻孔


好專注呢~


完成圖!!!!! 隻Julius有眼睫毛添, 哈哈~


嗚吱媽畫既Julius





承熹收到公關公司送出一套8款Paul Frank玩具, 急不及待即時打開



最後仲同工作人員影相添.. (不過承熹又即時扮cool)

等我介紹一下呢8款玩具有啲乜先!!

由11月1日起有得換 Julius 公仔 及 開心日曆
11月8日起換Julius 旅行名牌 
11月15日起換Julius 老友筆記簿
11月22日起換Julius 文具盒 及 有型手環
11月29日起換Julius 趣緻磁貼
12月6日起換Julius手錶

我自己最鐘意就係開心日曆, 因為每個月既公仔都唔同, 做得好靚~ 

各位Paul Frank迷唔好錯過啦!!!!